بریتانیا نینگ مخصوص نماینده‌سی: «طالبان محکمه‌لری نینگ جزایی اصول‌نامه‌سی» کمسیتووچی خصوصیت‌گه اېگه دیر
۸صبح، کابل: بریتانیا نینگ افغانستان بۉییچه مخصوص نماینده‌سی، ریچارد لیندسی نینگ ایتیشیچه، «طالبان محکمه‌لری نینگ جزایی اصول‌نامه‌سی» عیاللر و آزچیلیک گروهلرگه قرشی یۉنه‌لتیریلگن.
لیندسی،۱۰ -دلو، جمعه کونی، اعلان قیلگن بیاناتیده تینچ افغانستان برچه افغانلر نینگ حقوقلریگه حرمت کۉرسه‌تیلیشینی طلب اېتیشینی تأکیدلگن.
او طالبان تامانیدن محکمه عملیاتی صفتیده اعلان قیلینه‌یاتگن قاعده‌لر فقرالر نینگ حقوقلریگه ضد اېکنینی اورغولگن.
اوشبو بیاناتلر بیرلشگن ملتلر تشیلاتی انسان حقلری کېنگشی نینگ افغانستان بۉییچه مخصوص گزارشگری، ریچارد بنت «طالبان محکمه‌لری نینگ جزایی اصول‌نامه‌سی» نی اۉرگنه‌یاتگنینی، بیراق بو فرمانلر جدی تشویش اویغاته‌یاتگنینی بیلدیرگن بیر پیتده ینگره‌گن.
«سۉنگگی پیتلرده عاموی اخبارات واسطه‌لریده اعلان قیلینگن «طالبان محکمه‌لری نینگ جزایی اصول‌نامه‌سی» ده طالبان تامانیدن قوللیک عملیاتی رسماً تن آلینگنی قید اېتیلگن.
انسان حقلری تشکیلاتلری نینگ تأکیدلشیچه، اوشبو حجت آچیق-آیدین طرزده انسان حقلری نینگ بوزیلیشیگه، قومی و دینی آزچیلیکلر نینگ، شونینگدېک طالبانگه مخالف شخصلر نینگ باستیریلیشیگه زمین یره‌ته‌دی.
