بمت: افغان عیاللری و قیزلری آزیق-آوقت خوفسیزلیگیدن محروم بۉلیش خوفی آستیده‌گی اهالی‌نینگ ۶۰ فایزینی تشکیل اېته‌دی
۸صبح، کابل: بیرلشگن ملتلر تشکیلاتی‌نینگ عیاللر بۉلیمی معلوم قیلیشیچه، افغانستاندهگی عیاللر و قیزلر یقین شرقده‌گی ماجرالر‌نینگ کوچه‌ییشی آرتیدن آزیق-آوقت خوفسیزلیگیگه دوچ کېلیشی ممکن بۉلگنلر‌نینگ ۶۰ فایزینی تشکیل اېته‌دی.
بو تشکیلات جمعه کونی، ۱۰ میزان، ۲۰۲۶-ییل آخریگچه ۲۸ مملکتده، جمله‌دن افغانستانده، ینه قریب ۱۱،۷ میلیون عیال و قیز آزیق-آوقت خوفسیزلیگیگه دوچ کېلیشی ممکنلیگینی بیلدیرگن.
بیرلشگن ملتلر تشکیلاتی‌نینگ عیاللر بۉلیمی افغانستاندهگی عیاللر‌نینگ قریب ۹۵ فایزی محنت بازاریدن تشقریده اېکنینی قۉشیمچه قیلگن.
اوشبو تشکیلات معلوماتیگه کۉره، ایشله‌یاتگن عیاللر‌نینگ قریب ۸۰ فایزی هم ضعیف و حمایه‌سیز محنت تورلریده فعالیت یوریته‌دی.
بیرلشگن ملتلر تشکیلاتی‌نینگ عیاللر بۉلیمی سودا یۉللریده‌گی اوزیلیشلر آرتیدن انرژی، اۉغیت، ترانسپورت و آزیق-آوقت خرجتلری‌نینگ آشیشی عایله‌لر همده انسانپرورلیک عملیات‌لریگه ینه‌ده کتّه باسیم اۉتکزیشی ممکنلیگینی بیلدیرگن.
تشکیلات آزیق-آوقت خوفسیزلیگی‌نینگ سلبی عاقبتلرینی کمه‌یتیریش اوچون عیاللر‌نینگ آزیق-آوقت و تیریکچیلیک منبعلریگه ایریشیش امکانیتی سقلب قالینیشی، جواب چاره‌لرینی ایشلب چیقیشده عیاللر و قیزلر‌نینگ احتیاجلری همده تجربه‌لریگه کۉپراق اعتبار قره‌تیلیشی کېره‌کلیگینی تأکیدله‌گن.
تشکیلات، شونینگدېک، کېسکینلیکنی کمه‌یتیریش و خلق‌ارا قانونلرگه رعایه قیلیشگه چقیرگن.
