بمت افغانستان‌نینگ بېش ولایتیده اقتصادیاتنی تیکلش دستوری‌نینگ ایکّینچی باسقیچی باشلنگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) جنوبی کوریا وکالت‌خانه‌سی یاردمیده افغانستان‌نینگ بېش ولایتیده اقتصادیاتنی تیکلشنی قۉللب-قوّتله‌یاتگنینی معلوم قیلدی.
اوشبو تشکیلات دوشنبه کونی، ۴ عقرب، افغانستانده تیکلش و قَیته قوریش بۉییچه سعی-حرکتلر‌نینگ ینگی باسقیچینی باشله‌یاتگنینی بیلدیردی.
بو سعی-حرکتلر اقتصادیاتنی تیکلش دستوری (REVIVE lI) دایره‌سیده اهالی‌نینگ تورموش منبعلرینی مستحکملش، اجتماعی است-قورمه‌لرنی قَیته قوریش، اقتصادیاتنی تیکلش و جماعه‌لر‌نینگ تورلی قیینچیلیکلرگه برداشلیلیگینی آشیریشگه قره‌تیله‌دی.
اوشبو دستور کابل، پکتیا، غزنی، ننگرهار و کنر ولایتلرینی قمره‌ب آله‌دی.
بمت ترقیات دستوری معلوم قیلیشیچه، دستور‌نینگ ایکّینچی باسقیچی بیرینچی باسقیچده اېریشیلگن یوتوقلرنی دوام اېتتیریش، افغانستانده تیکلنیش جریانینی مستحکملش و اقتصادی وضعیتنی یخشیلش مقصدیده یۉلگه قۉییله‌دی.
