رباب فاطمه: ژورنالیستلر خوفسیزلیگی استوار وظیفه بۉلیشی کېره‌ک
۸صبح، کابل: بیرلشگن ملتلر تشکیلاتی باش کاتبی‌نینگ افغانستان بۉییچه مخصوص وکیلی و یوناما باشلیغی رباب فاطمه ژورنالیستلر فعالیتی ملاقات، تینچلیک و یخشی باشقروونی مستحکملش اوچون مهم اېکنینی اَیتگن.
او دوشنبه کونی، ۱۱ عقرب، ژورنالیستلرگه قرشی جنایتلر اوچون جزاسیزلیککه برهم بېریش خلق‌ارا کونی مناسبتی بیلن ژورنالیستلر خوفسیزلیگینی تأمینلشگه چقیرگن.
رباب فاطمه حقیقتنی ایزلشگه اۉز حیاتینی بغیشله‌گن ژورنالیستلر خوفسیزلیگی افغانستانده و بوتون دنیاده استوار وظیفه بۉلیشی کېره‌کلیگینی قۉشیمچه قیلگن.
بو حالت طالبان افغانستانده حاکمیتنی اېگه‌لله‌گنیدن کېین ژورنالیستلر سانسور، تهدید، حبسگه آلیش و تاباره کوچه‌ییب باره‌یاتگن چېکلاولرگه دوچ کېله‌یاتگن بیر پیتده یوز بېرماقده.
