گوترش: اۉتگن بیر ییل ایچیده کمیده ۳۴ نفر ژورنالیست جان بېردی
بیرلشگن ملتلر تشکیلاتی باش کاتبی آنتونیو گوترش‌نینگ اَیتیشیچه، اۉتگن بیر ییل دوامیده دنیا بۉیلب کمیده ۳۴ نفر ژورنالیست جان بېرگن.
گوترش دوشنبه کونی، ۱۱ عقرب، ژورنالیستلرگه قرشی جنایتلر اوچون جزاسیزلیککه برهم بېریش خلق‌ارا کونی مناسبتی بیلن اولر‌نینگ خوفسیزلیگینی تأمینلشگه چقیرگن.
اونینگ قۉشیمچه قیلیشیچه، دنیا بۉیلب ژورنالیستلر حقیقتنی بیان اېتیش اوچون آغیر بدل تۉله‌ماقده.
گوترش‌نینگ اَیتیشیچه، ژورنالیستلر کۉپینچه تضییق و تعقیب، کوزه‌توو، محکمه دعوالری، جسمانی هجوملر همده قماققه آلینیشی کبی حالتلرگه دوچ کېلماقده.
بیرلشگن ملتلر تشکیلاتی باش کاتبی انسان حقوقلری، دموکراسی و قانون استوارلیگی اوچون مهم بۉلگن ژورنالیستلر فعالیتیگه هېچ نرسه تۉسقینلیک قیلمسلیگی کېره‌کلیگینی تأکیدله‌گن.
اونینگ قۉشیمچه قیلیشیچه، بو‌نینگ اوچون برچه ایشلر تېرگاو قیلینیشی، عیبدارلر محکمه جوابگرلیگیگه تارتیلیشی و ژورنالیستلرگه قرشی آنلاین هجوملرگه برهم بېریلیشی ضرور.
