یونسکو: افغانستانده ایکّی میلیوندن آرتیق قیز تعلیمدن محروم
۸صبح، کابل: بیرلشگن ملتلر تشکیلاتی‌نینگ تعلیم، فن و مدنیت تشکیلاتی (یونسکو) افغانستانده ایکّی میلیوندن آرتیق قیز هلی هم اۉرته مکتبگه باریشدن محروم اېکنینی اعلان قیلدی.
اوشبو تشکیلات چهارشنبه کونی، ۱۱-سنبله، ایکس صحیفه‌سیده یازیشیچه، یونسکو طالبان افغانستانده حاکمیتنی اېگه‌لله‌گنیدن بېش ییل اۉتیب هم احتیاجمند انسانلر اوچون تعلیم آلیش امکانیتلرینی قۉللب-قوّتلشده دوام اېتماقده.
یونسکو «EERA» لایحه‌سی بامیان و نورستان ولایتلریده سوادخانلیک و کۉنیکمه‌لرنی اۉرگه‌تیش درسلرینی تشکیل اېتیش آرقه‌لی تعلیم آلیش جریانی‌نینگ دوام اېتیشیگه یاردم بېره‌یاتگنینی اَیتدی.
اوشبو تشکیلات معلوماتیگه کۉره، بامیان و نورستان‌نینگ ۱۰ تومنیده ایکّی مینگ ۱۰۰ دن آرتیق کیشی اوشبو درسلرگه رۉیخطدن اۉتگن.
یونسکو اوشبو طلبگارلر‌نینگ قریب ۷۰ فایزینی عیاللر و قیزلر تشکیل اېتیشینی قۉشیمچه قیلدی.
بیرلشگن ملتلر تشکیلاتی‌نینگ تعلیم، فن و مدنیت تشکیلاتی تعلیم آلیش اوچون هر قنده‌ی امکانیت مهم‌لیگینی تأکیدله‌دی.