یونیسف: اوروش حدودلریده‌گی هجوملر باله‌لرنی سوو و اساسی خدمتلردن فایده‌لنیش امکانیتیدن محروم قیلماقده
بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) اوروش حدودلریده‌گی هجوملر باله‌لر‌نینگ ایچیملیک سووی و اساسی خدمتلردن فایده‌لنیش امکانیتینی ایزدن چیقریشی همده اولر‌نینگ حیاتیگه جدّی عاقبتلر کېلتیریب چیقریشی ممکنلیگی حقیده آگاهلنتیردی.
یونیسف شنبه کونی، ۷ نوامبر، صحیفه‌سیده یازیشیچه، اوروش دوام اېته‌یاتگن حدودلرده حتا بیرته هجوم هم باله‌لر حیاتیگه جدّی تأثیر کۉرسه‌تیشی ممکن.
اوشبو تشکیلات سوودن محروم بۉلیش باله‌لرنی ساغلیقنی سقلش، آزیقلنیش و تعلیم ساحه‌لریده ینه‌ده کۉپراق معمالرگه دچار قیلیشینی تأکیدله‌گن.
یونیسف اوروشه‌یاتگن تامانلر و حکومتلرنی سوو منبعلری، انسانپرورلیک یاردمی خادملری همده باله‌لرنی حمایه قیلیشگه چقیرگن.
یونیسف بوندن آلدین هم اوروش حدودلریده سوو تأمیناتی و کانالیزاسیون انشااتلریگه قیلینگن هجوملر سۉنگگی بېش ییل ایچیده اوچ برابر آشگنینی معلوم قیلگن اېدی.
