یونیسف: جاپان افغانستانده باله‌لرنی اېملشنی قۉللب-قوّتله‌یدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) جاپان حکومتی و خلقی یاردمیده افغانستان بۉیلب باله‌لرنی واکسین‌لر و اساسی ساغلیق خدمتلر بیلن تأمینله‌یاتگنینی معلوم قیلدی.
اوشبو جمغرمه دوشنبه کونی، ۴ عقرب، مذکور همکارلیک باله‌لر‌نینگ ساغلیق خدمتلردن فایده‌لنیش امکانیتینی یخشیلش و باله‌لر فلجی کسللیگی‌نینگ آلدینی آلیش مقصدیده عملگه آشیریله‌یاتگنینی بیلدیردی.
یونیسف جاپان‌نینگ اوزاق ییللیک همکارلیگی اوچون منّتدارلیک بیلدیریب، هر بیر باله باله‌لر فلجی کسللیگیدن خالی کېله‌جککه لایق اېکنینی تأکیدله‌دی.
بمت باله‌لر جمغرمه‌سی باله‌لر‌نینگ واکسین‌لر و ساغلیق خدمتلردن فایده‌لنیش امکانیتینی تأمینلش باره‌سیده‌گی سعی-حرکتلرنی دوام اېتتیریش ضرورلیگینی تأکیدله‌دی.
یونیسف قۉشیمچه قیلیشیچه، افغانستان بۉیلب ۲۱ میلیوندن آرتیق کیشی انسانپرورلیک یاردمگه محتاج بۉلیشی کوتیلماقده.
اوشبو تشکیلات معلوماتیگه کۉره، کۉپلب عایله‌لر بیرینچی ساغلیق خدمتلردن فایده‌لنیشده چېکلاولرگه دوچ کېلماقده.
یونیسف جاپان حکومتی و خلقی کۉپ ییللردن بویان افغانستان باله‌لرینی قۉللب-قوّتلب، اولر‌نینگ یانیده توریب کېله‌یاتگنینی تأکیدله‌دی.
