یونیسف غور‌نینگ ضررلنوچی حدودلریده قویاش انرژیسیده ایشله‌یدیگن سوو تأمیناتی تیزیملری یره‌تیلگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قوّتلش جمغرمه‌سی (یونیسف) غور‌نینگ ضررلنووچی حدودلریده تازه سوودن فایده‌لنیش امکانیتینی یخشیلش اوچون قویاش انرژیسیده ایشله‌یدیگن سوو تأمیناتی تیزیملرینی تقدیم اېتیشینی معلوم قیلدی.
اوشبو تشکیلات سه‌شنبه کونی، ۱۰-سنبله، ایکس صحیفه‌سیده یازیشیچه، عایله‌لر یشه‌یدیگن جایلر یقینیده تازه سوودن فایده‌لنیش امکانیتی‌نینگ موجودلیگی باله‌لرگه تعلیم آلیش، اۉینه‌ش و رواجلنیش اوچون کۉپراق امکانیت یره‌ته‌دی.
یونیسف اوشبو سوو تأمیناتی تیزیملری کوریا تشقی ایشلر وزیرلیگی یاردمیده غور‌نینگ ضعیف حدودلری اوچون تقدیم اېتیلیشینی اَیتدی.
تشکیلات قۉشیمچه قیلیشیچه، تازه سووگه یقینراق ایریشیش امکانیتی عایله‌لر‌نینگ تورموش شرایطینی یخشیلشی و باله‌لر اوچون کۉپراق امکانیت یره‌تیشی ممکن.
بو شوندی بیرحالده دیر که، تازه ایچیملیک سووی یېتیشمسلیگی افغانستان‌نینگ کۉپلب قیشلاق و چېکّه حدودلریده همان اساسی معمالردن بیری بۉلیب قالماقده.
