یونیسف: هرات ده زلزله دن جبرلنگن ۹۶ مینگ باله نینگ حیاتی خوف آستیده
بیرلشگن ملتلر تشکیلاتی نینگ باله‌لر دن حمایت قیلووچی صندیغی (یونیسف) گه کوره، هرات ده زلزله یوز بیرگنیدن اوچ آی اۉتگچ حاضرگچه تاثیری یوقالمه‌گن و کۉپ سانده عایله‌لر هوا ساووق بولیشی بیلن آچیق هوا ده خیمه‌لر آستیده تیرکیچیلیک قیلماقده‌لر.
یونیسف ۲۵-جدی، دوشنبه کونی بیر بیانیه ترقه‌تیب هرات ده کېتمه-کیت یوز بیرگن زلزله‌لر چمه‌سی ۹۶ مینگ باله نی متاثیر قیلگن اولر قوللب-قوتلنمه‌ی و یخشی خذمت کورسه تیلمه‌گن حالده، ساووق اولر نینگ حیاتینی تهدید قیلیشیدن آگاه‌لنتیرگن.
یونیسف مذکور باله‌لر قوللب-قوتلنیشی اۉچون دقت قیلینیشینی سوره‌گن.
افغانستان ده یونیسف نماینده‌سی فران اکیزا نینگ ایتیشیچه: «افغانستان غربی ده یوز بیرگن زلزله دن ۱۰۰ کۉن اوته‌یاتگن بولسه ده که تخمینی روشده عایله‌لر برچه امکانیت‌لرینی قولدن بیرگن، بو قیشلاق‌لر نینگ محیطی آغریق و اضطراب گه توله دیر. باله‌لر حاضر هم روحی قیینچیلیک‌لرنی اېنگیش گه حرکت قیلیشماقده‌لر.»
اونگه کۉره، باله‌لر قره‌م بولگن مکتب و ساغلیق مرکزلر زیان کورگن یا که بوتونلی ویرانه گه اوزگرگن.
اوشبو ییل قیش ده باله‌لر و عایله‌لر خوفلی شرایط ده تیریکچیلیک قیلماقده و وقتینچه‌لیک باشه پنه‌لرینی ایسیتیش دن باشقه یوللری یوق دیدی، افغانستان ده یونیسف نماینده‌سی فران اکیزا.
بیرلشگن ملتلر تشکیلاتی نینگ باله‌لر دن حمایت قیلووچی صندیغی گه کوره، تیریکیچیلیک امکانیت‌لرینی قۉلدن بیرگن عایله‌لر آچ‌لیک و تۉییب آوقت‌لنمسلیکک خوفی بیلن دوچ بولگنلر.
بیرلشگن ملتلر تشکیلاتی نینگ معلوماتی اساسیده، هرات ده کېتمه-کیت زلزله‌لر عاقبتیده بیر مینگ ۵۰۰ کیشی جان بیرگن و باشقه ۱۱ مینگ کیشی یره‌لنگن.
بیرلشگن ملتلر تشکیلاتی نینگ ترقیاتی اداره‌سی، بو طبیعی واقعه طفیلی ۲۰۲ میلیون کیشی زیان کورگن، قریب سکیز مینگ ۵۰۰ یشش اوی بوزیلیب و ۱۷ مینگ دن آرتیق یشش اوی زیان کورگنینی معلوم قیلگن.