بیرلشگن ملتلر تشکیلاتی: هر بیر آواز اېشیتیلگندهگینه دېموکراسی نتیجه بېرهدی
بیرلشگن ملتلر تشکیلاتی باش کاتبی آنتونیو گوترش، خلقارا دېموکراسی کونی مناسبتی بیلن آدملرنینگ قرارلر قبول قیلیشدهگی اشتراکی و اونینگ تینچ جمعیتلرنی برپا اېتیشدهگی رۉلیگه اورغو بېردی.
گوترش، سهشنبه کونی، ۱۵-سپتمبر، جمعیتنینگ تورلی قتلملریگه منسوب آدملرنی بیرلشتیریش و تورلی قرهشلرنی انابتگه آلیش قرارلر قبول قیلیش جریانینی باییتیشی همده ایشانچنی مستحکملشگه یاردم بېریشی ممکنلیگینی اَیتدی.
شو بیلن بیرگه، بیرلشگن ملتلر تشکیلاتی دېموکراسی جمغرمهسی و بیرلشگن ملتلر تشکیلاتینینگ همکارلیکلر بۉییچه ادارهسی بیرلشگن ملتلر تشکیلاتی باش قرارگاهیده دستور اۉتکزیشنی رېجهلشتیرماقده.
اوشبو دستورده اشتراک، ملاقات و کېنگ قمراولیکنینگ ایشانچنی مستحکملش همده حسابدار و ثمرهلی باشقروونی یۉلگه قۉییشدهگی رۉلی محاکمه قیلینهدی.
بیرلشگن ملتلر تشکیلاتینینگ تاکیدلشیچه، ناتۉغری اخباراتلرنینگ ترقهلیشی، اوتاریتریزم و مدنی مکانینینگ تارهییشی شرایطیده دېموکراسینی مستحکملشگه قرهتیلگن سعی-حرکتلر هر قچانگیدن هم مهمراقدیر.
