بیرلشگن ملتلر تشکیلاتی نینگ خوستدهگی اۉرمانلرنی تیکلش اوچون سعی و حرکتی؛ آدملر درختلرنینگ کېسیلیشیدن خواطرده
8صبح، خوست
(FAO) بیرلشگن ملتلرنینگ آزیق آوقت و قیشلاق خوجه‌لیگی تشکیلاتی (FAO) خوست ولایتیده اۉرمانلرنی تیکلش و اۉتلاقلرنی سقلش بۉییچه، بیر قنچه وقتدن بېری ایریم برنامه‌لرنی عملگه آشیریش اوچون قیزیققن دیر. اوشبو تشکیلات خوست ولایتیده طالبلر کنترولیده بۉلگن اېکینچیلیک، چارواچیلیک و اطراف محیطنی تازه سقلش ریاستلری هماهنگلیگی بیلن، بو ولایت اۉرمانلری همده اۉتلاقلرینی سقلش اوچون، حمایه قیلیش قیته تیکلش رېجه‌سینی ایکّی باسقچده ایشلب چیقنن دیر. اوشبو لایحه نینگ بیرینچی مرحله‌سیده، ۱۲ مینگدن کۉپراق میوه‌لی و میوه‌سی کۉچت ولایت نینگ بیر قنچه اولسواللیکلریده اېکیلگن و یوزلب جریب اۉرمان قیته‌دن تاسیس قیلینگن. محلی منبعلرنینگ معلوماتیگه کۉره، حاضرده اوشبو لایحه نینگ ایکّینچی مرحله‌سی بجریلیشی بیلن، مذکور تشکیلات ینگیدن اېکیلگن کۉچتلر و اۉتلاقلر قوریشی نینگ آلدینی آلیش بۉییچه سعی و حرکتلرنی باشله‌گن. خوست نینگ بیر قنچه یشاوچیلری اۉرمانلرنی حمایه قیلیش مقصدیده بونده‌ی لایحه‌لرنی یۉلگه تشله‌نشیدن خورسندلیک بیلدیرسه‌لر- ده، لېکن بو بیلن بیرگه، بو ولایتده درختلر سابقه‌سیز روشده کېسیلیشیدن شکایت قیله‌دیلر.
خوست ولایتیده طالبلر اېکینچیلیک و چارواچیلیک ریاستی بیر منبعی نینگ ۸ صبح کونده‌لیگیگه تصدیقلب ایتیشیچه، بیرلشگن ملتلرنینگ آزیق آوقت و قیشلاق خوجه‌لیگی (FAO) خوست اۉرمانلرینی سقلش و قیته تیکلش بیرینچی باسقیچینی آلتی آی آلدین ولایت نینگ باک، صبری و زازی میدان اولسوالیکلریده باشله‌گن اېدی. بونینگ یانیده، خطرگه رۉپه ره بۉلگن ۱۰ مینگ جریب اۉرمان و ۱۹ مینگ ۵۰۰ جریب اۉتلاق سقله‌نیب حمایت بۉلگن دېدی منبع.
عین حالده، خوستدهگی محلی منبعلرنینگ ایتیشلریچه، حاضر ولایت اۉرمانلرینی سقلب حمایت قیلیش ریجه‌سی نینگ ایکّینچی باسقیچی بیرلشگن ملتلر تشکیلاتی نینگ آزیق آوقت و قیشلاق خوجه‌لیگی تشکیلاتی تامانیدن بجریلماقده دیر. اوشبو باسقیچده یوقاری تاغلرده ینگی اۉرمانلر ایجاد قیلیش و ۱۰ حوض قوریلیشی کوتیله‌دی. منبع‌گه کۉره، هر بیر حوض ۲۰۰ مینگ لیتر سوونی ذخیره قیلیش قابلیتگه اېگه دیر، اۉرمانلرنی سقلش و ینگی اېکیلگن درخت قوریشی نینگ آلدینی آلیش اوچون بو سوودن فایده‌لنیله‌دی.
خوست ولایتیده اۉرمانلرنی قیته تیکلش اوچون خلق ارا تشکلاتلرنینگ آلیب بارگن سعی و حرکتی بیلن بیرگه، سۉنگی وقتلرده درختلرنی سابقه‌سیز روشده کېسیب و اونی پاکستان‌گه قاچاق قیلیش میزانی آشگن دیر. بو ولایتده‌گی منبعلرنینگ ۸صبح گه ایتیشیچه، اخیرگی بیر آی جریانیده بو ولایتده اۉرمانلرنی کېسیش کۉپه‌یگن و حاضر هم سپری، تنی، دوه‌مند و قلندر اولسواللیکلری اۉرمانلری نینگ کتّه قسمی کېسیلگن. اولر، طالبلر حمایتیگه اېگه محلی زوروانلرنی اۉرمانلرنی کېسیشده قۉلی بار دېب ایته‌دیلر.
منبعلرنینگ قۉشیمچه قیلیشیچه، مذکور ولایتده‌گی اۉرمانلرنی ناقانونی کېسیش اوچون طالبلرنینگ شخصی منفعتی بۉلگنی اوچون، خوستده طالبلر کنترولیده بۉلگن اېکینچیلیک و اطراف محیطنی تازه سقلش اداره‌لری اوشبو درختلر کېسیلیشی نینگ آلدی آلینیشی اوچون چاره تدبیر کۉرمه‌گنلر. خوست ولایتی سپری اولسواللیگی نینگ یشاوچیسی رحمان الله، بو ولایتده اۉرمانلر کېسیب کېتیلیشی نینگ آلدی آلینیشی اوچون طالبلر سکوت سقله‌گنیدن تشویش بیلدیرگن. اونگه کۉره، «اۉرمانلری کوندوز کونلری آدملر تامانیدن کېسیله‌دی. همه‌لری برقی اره‌لر و اوسکونه‌لر بیلن بو ایشگه قۉل اوره‌دیلر |اونی| موتر و حیونلر آرقلی آلیب کېته دیلر. بونینگ آلدینی آلیش اوچون هیچ کیم یۉق.»
خوستدهگی اۉرمانلرنی کېسیش جریانی اجتماعی ترماقلرده شاو – شوولرگه سبب بۉلگن دیر. اجتماعی صحیفه‌لرنی فایده‌لنوچیلر اۉرمانلر کېسیلیشی و اونینگ پاکستان‌گه قاچاق اېتیلیشی نینگ آلدی آلینیشی اوچون طالبلردن تېزلیک چاره تدبیر کۉریشنی ایسته‌گنلر.
باشقه بیر تاماندن، خوستده طالب جنایی جرملرگه قرشی کوره‌ش مدیری نینگ یېتکرمه‌لرگه ایتیشیچه، اۉرمانلرنی کېسیشگه قۉل اوره دیگن آدملرنی حبسگه آلیش مقصدیده سعی وحرکت قیله‌دیلر. بو مدیریت ایشلاوچیلر، حادثه‌گه عیبله‌نیب هنوزگه ۲۰ کیشی حبسگه آلینگن دېگنلر.
طالبلر مملکت‌ده قیته‌دن قدرتگه کېلیشی بیلن، اۉرمانلرنی کېسیش و اولرنی پاکستان‌گه قاچاق قیلیش سابقه سیز روشده کۉپه‌یگنی کوزه‌تیلگن. بوندن آلدین، پکتیکا و کنر ولایتلریده هم اۉرمانلرنی کېسیش حاللری گزارش قیلینگن اېدی. حال بوکه، طالبلر بو جریان توخته‌تیلیشی اوچون هنوز قنده‌ی دیر جدی بیر چاره تدبیر کۉرمه‌گن.