جهان ساغلیقنی سقلش تشکیلاتی‌نینگ ییللیک حساباتی: ۵۶ مینگدن آرتیق تۉییب-آوقتلنمسلیکدن اذیت چېکه‌یاتگن باله‌نی دواله‌دیک
۸صبح، کابل: جهان ساغلیقنی سقلش تشکیلاتی (WHO)معلوم قیلیشیچه، ۲۰۲۵-ییلده افغانستانده اۉتکیر تۉییب-آوقتلنمسلیکدن اذیت چېکه‌یاتگن ۵۶ مینگ ۴۰۰ نفردن آرتیق باله دوالنگن.
تشکیلات پنج‌شنبه کونی، ۸ اسده، اۉزی‌نینگ ییللیک حساباتیده معلوم قیلیشیچه، بودجه قیسقریشی و عملیاتده‌گی قیینچیلیکلرگه قره‌مه‌ی، مملکت‌نینگ ۳۴ ولایتیده اساسی ساغلیقنی سقلش خدمتلرینی ترقه‌تگن.
حساباتگه کۉره، اوشبو تشکیلات قۉللب-قوّتله‌یاتگن بیرینچی طبی یاردم مرکزلری اۉتگن ییلی ۱ میلیون ۸۶۰ مینگدن آرتیق ویزیت قبول خدمتینی کۉرسه‌تگن.
جهان ساغلیقنی سقلش تشکیلاتی قۉشیمچه قیلیشیچه، روحی سلامتلیک خدمتلری هم کېنگه‌یتیریلگن و ۱۰۷ مینگ ۵۳۳ نفردن آرتیق کیشی اختصاص‌لشتیریلگن خدمتلردن فایده‌لنگن.
مذکور تشکیلات، شونینگدېک، «ملی ساغلیقنی سقلش سیاستی»نینگ یۉلگه قۉییلیشی همده طالبان ساغلیقنی سقلش وزیرلیگی بیلن همکارلیکده «۲۰۲۵–۲۰۳۰-ییللرگه مۉلجللنگن ملی ساغلیقنی سقلش استراتیژیسی»نی ایشلب چیقیش باشلنگنینی ۲۰۲۵-ییل‌نینگ اېنگ مهم یوتوقلریدن بیری صفتیده قید اېتگن.
