جهان ساغلیقنی سقلش تشکیلاتی: هپاتیت‌گه چلینگنلر‌نینگ کۉپچیلیگی هلی هم افغانستانده انیقلنمه‌یپتی و دوالنمه‌یپتی
۸صبح، کابل: افغانستاندهگی جهان ساغلیقنی سقلش تشکیلاتی (WHO) خلق‌ارا هپاتیت کونی مناسبتی بیلن هلی هم اوشبو کسللیککه چلینگن کۉپلب بېمارلر نه انیقلنه‌یاتگنی و نه دوالنه‌یاتگنینی معلوم قیلدی.
مذکور تشکیلات سه‌شنبه کونی، ۶-اسد، ایکس صحیفه‌سیده اعلان قیلگن خبریده هپاتیت‌نینگ آلدینی آلیش، اونی اېرته انیقلش و دوالش بۉییچه سعی-حرکتلرنی کوچه‌یتیریشگه چقیردی.
افغانستانده جهان ساغلیقنی سقلش تشکیلاتی وکیلی ادوین سینیزا سلوادور، شونده‌ی دېدی: «افغانستان ویروسلی هپاتیت‌گه قرشی کوره‌شده و جهان ساغلیقنی سقلش تشکیلاتی یاردمیده دوالش خدمتلریدن فایده‌لنیش امکانیتینی کېنگه‌یتیریشده اېریشگن یوتوقلرگه قره‌مه‌ی، هلی هم کۉپلب بېمارلر انیقلنمه‌گن و دوالنیش آلمه‌گن.»
او کسللیکنی اۉز وقتیده انیقلش، هپاتیت‌نینگ آلدینی آلیش یۉلیده‌گی موجود تۉسیقلرنی برطرف اېتیش، ساغلیقنی سقلش خدمتلریدن فایده‌لنیش امکانیتینی کېنگه‌یتیریش همده اوشبو کسللیک عاقبتلرینی کمه‌یتیریش اوچون اۉز وقتیده دوالشنی تأمینلش مهم‌لیگینی تأکیدله‌دی.
هپاتیت جگرنی ضررله‌یدیگن ویروسلی کسللیکلردن بیری بۉلیب، اگر اۉز وقتیده انیقلنمسه و دوالنمسه، سورونکه‌لی جگر کسللیکلری، جگر سرطانی و اۉلیمگه آلیب کېلیشی ممکن.
