جهان آزیق-طعام دستوری: آزیق-آوقت نرخلرینینگ آشیشی عایلهلرنینگ خرید قابلیتینی پسهیتیردی
۸صبح، کابل: جهان آزیق-آوقت دستوری افغانستان بازارلریده نرخلر نسبتاً برقرار بۉلیشیگه قرهمهی، اَیریم اساسی آزیق-آوقت محصولاتلری و اېکینچیلیک محصولاتلری نرخی اۉتگن ییلگه نسبتاً همان یوقاری اېکنینی معلوم قیلدی.
اوشبو دستور دوشنبه کونی، ۲۳-سنبله، اعلان قیلگن حساباتیده بوغدای نرخی اۉتگن ییلگه نسبتاً ۱۳ فایزگه، اۉرتهچه نرخدهگی بوغدای اونی نرخی اېسه ۱۲ فایزگه آشگنینی بیلدیرگن.
حساباتگه کۉره، یوقاری صفتلی بوغدای اونی نرخی هم اۉتگن ییلگه نسبتاً یېتّی فایزگه آشگن.
حساباتنینگ بیر قِسمیده پلولیک و شۉلهلیک گوروچ نرخی هم اۉتگن ییلگه نسبتاً ماس روشده ۲۲ و ۳۵ فایزگه آشگنی قید اېتیلگن.
اوشبو تشکیلاتنینگ اَیتیشیچه، یاغ و شکر نرخی هم اۉتگن ییلگه نسبتاً ماس روشده ۱۴ و ۱۱ فایزگه آشگن.
جهان آزیق-طعام دستوری قۉشیمچه قیلیشیچه، آزیق-آوقت و اېکینچیلیک محصولاتلری نرخینینگ آشیشی، بازار نسبتاً برقرار بۉلیشیگه قرهمهی، عایلهلرنینگ خرید قابلیتی و ایشلب چیقریش خرجتلریگه هنوز باسیم اۉتکزماقده.
