یونیسف یاردمیده ۵۰۰ نفردن آرتیق افغانستانلیک اۉسمیر تخنیکی کۉنیکمهلرگه اېگه بۉلدی
۸صبح، کابل: بیرلشگن ملتلر تشکیلاتینینگ بالهلرنی قۉللب-قۉتلش جمغرمهسی (یونیسف) افغانستانده ۵۰۰ نفردن آرتیق اۉسمیر قیز و اۉغیل بالهگه تخنیکی کۉنیکمهلرینی رواجلنتیریش و ایش بازاریگه کیریشگه تیّارگرلیک کۉریش اوچون یاردم بېریلگنینی معلوم قیلدی.
یونیسف یکشنبه کونی، ۲۲-سنبله، ایکس صحیفهسیده افغانستاندهگی اوشبو تشکیلات وکیلی تاجالدین اویوالی بالهلر و اۉسمیرلر افغانستانده قۉللب-قوّتلنیشگه مناسب اېکنینی اَیتگنینی یازدی.
تشکیلاتنینگ قۉشیمچه قیلیشیچه، اوشبو دستور جهان بانکی گروهی یاردمیده عملگه آشیریلگن و اۉسمیرلر دستور دوامیده ایشلش اوچون ضرور بۉلگن تخنیکی کۉنیکمهلرنی اېگهللهگن.
یونیسف اوشبو اۉسمیرلر ۲۰۲۶-ییلده ایش بازاریگه کیریشی رېجهلشتیریلگنینی بیلدیرگن.
بالهلر جمغرمهسی دایما اۉسمیرلرنینگ تعلیم آلیشی و کسبی کۉنیکمهلرنی اېگهللشینی قۉللب-قوّتلش اولرگه بندلیک و یخشی کېلهجک اوچون کۉپراق امکانیتلر یرهتیشی ممکنلیگینی تأکیدلب کېلهدی.
