امریکا کانگرسی وکیلی غزه اوروشینی «قیرغین» دېب اتهدی
امریکا کانگرسی وکیلی رشیده طالب، غزه اوروشینی قیرغین/جینوساید دېب اتهب، امریکا حکومتیدن بو اوروشدهگی شریکلیگینی یکونلشینی سۉرهگن.
او یکشنبه کېچه، ۱۳-سپتمبر، ایکس صحیفهسیده «جینوساید هلی هم دوام اېتماقده» دېب یازگن و بالهلر امریکا بمبلری بیلن اۉلدیریلهیاتگنینی بیلدیرگن.
او، شونینگدېک، اسراییلنینگ غزهدهگی هجوملرینی «اېتنیک تازهلش» دېب اتهگن و تیریک قالگن بالهلر عمرباد روحی جراحت بیلن یشهشلرینی اَیتگن.
بو حالت امریکانینگ غزه اوروشیده اسراییلنی قۉللب-قوّتلشی، شونینگدېک، ایران بیلن اوروش باشلنگنی آرتیدن امریکاده اوشبو مملکت حکومتینینگ فعالیتیگه نسبتاً ناراضیلیکلر کوچهیگن بیر پیتگه تۉغری کېلماقده.
شونگه قرهمهی، اسراییل اوردوسی اوچ ییلدن بویان، همهس گروهینینگ ۷-اکتوبر کونی اسراییلنینگ اَیریم حدودلریگه اویوشتیرگن هجومیدن سۉنگ، اوشبو حدودده کېنگ کۉلملی هوا و قوروقلیک هجوملرینی باشلهگن و دوام اېتتیریب کېلماقده.
