جهان ساغلیقنی سقلش تشکیلاتی: ننگرهارده پولیو‌نینگ ینگی حالتی قید اېتیلدی
۸صبح، کابل: جهان ساغلیقنی سقلش تشکیلاتی باله‌لر فلجی یاکه پولیو ویروسی‌نینگ ینگی حالتی ننگرهار ولایتیده انیقلنگنینی معلوم قیلدی.
اوشبو تشکیلات دوشنبه کونی، ۲۰-میزان، افغانستان و پاکستانده پولیو ویروسی‌نینگ ایکّی ته ینگی حالتی قید اېتیلگنینی اعلان قیلدی.
تشکیلات معلوماتیگه کۉره، افغانستاندهگی حالت ننگرهار ولایتی‌نینگ سرخرود تومنیده، پاکستانده‌گی حالت اېسه خیبرپختونخوا ایالتی‌نینگ خیبر تومنیده انیقلنگن.
اوشبو حالت قید اېتیلیشی بیلن ۲۰۲۶-ییل باشیدن بویان افغانستانده پولیو بیلن کسللنیش حالتلری‌نینگ عمومی سانی ۳۶ ته گه یېتدی.
افغانستان و پاکستان دنیاده پولیو ویروسی هلی تۉلیق یۉق قیلینمه‌گن یگانه مملکتلردیر.
اوشبو ایکّی مملکتده پولیو گه قرشی اېملش کمپاینلری اۉتکزیله‌یاتگنیگه قره‌مه‌ی، جهان ساغلیقنی سقلش تشکیلاتی‌نینگ ینگی معلوماتلری جاری ییلده افغانستانده کسللنیش حالتلری سانی پاکستانده‌گیگه قره‌گنده کۉپراق بۉلگنینی کۉرسه‌تماقده.
