غزنیده خلق‌نینگ اۉز مبلغی حسابیدن بیر ساغلیق مرکزی قوریلدی
۸صبح، غزنی: غزنی ولایتی‌نینگ جغتو تومنیده اهالی مبلغی حسابیدن قوریلگن بیر ساغلیق مرکزی قوریلیشی یکونلنگنی حقیده منبعلر خبر بېرماقده.
منبعلر سه‌شنبه کونی، ۲۱-میزان، ۸صبح گزېته‌سیگه بېرگن صحبتیده اوشبو ساغلیق مرکزی جغتو تومنی‌نینگ بالاسر سراب حدودیده قوریلگنینی اَیتیشدی.
منبعلر‌نینگ اَیتیشیچه، اوشبو طبیات مرکزینی قوریش اوچون ۲،۵ میلیون افغانی صرفلنگن و خرجتلر محلی اهالی تامانیدن قاپلنگن.
مذکور ساغلیق مرکزی ۱۲ ته خانه و یاردمچی بۉلیملرگه اېگه بۉلیب، ۳۰۰ متر مربع میدانده‌گی یېرده قوریلگن.
محلی اهالی ایلگری اوشبو حدودده ساغلیق مرکزی یۉقلیگی سببلی جدّی معمالرگه دوچ کېلگنینی اَیتماقده. بېمارلرنی طبیات مرکزلریگه آلیب باریش اوچون اولر اۉنلب کیلومتر یۉل باسیشگه مجبور بۉلگن.
منبعلر‌نینگ اَیتیشیچه، بو جاری قویاش آی دوامیده غزنیده اهالی مبلغی حسابیدن قوریلگن اوچینچی ساغلیق مرکزی دیر.
