ذبیح‌الله مجاهد: حاضرچه قیزلر تعلیمی حقیده بحثلشیش وقتی اېمس
۸صبح، کابل: طالبان سۉزلاوچیسی ذبیح‌الله مجاهد ژورنالیستلر‌نینگ افغانستانده قیزلر تعلیمیگه قۉییلگن تقیق‌نینگ دوام اېتیشی حقیده‌گی سواللریگه انیق جواب بېرمه‌ی، «حاضرچه بو مساله‌نی بحث قیلیش وقتی بلکه اېمس دیر»، دېگن.
مجاهد یک‌شنبه کونی، ۸ سنبله، اۉتکزیلگن مطبوعات انجمنیده «تۉخته‌ب قالیش» موجود بۉلگن ساحه‌ده بو معمانی ترتیبگه سالیشگه حرکت قیلینه‌یاتگنینی اَیتیب، طالبان بوندن آلدین هم بو موضوع حقیده جواب بېرگنینی قۉشیمچه قیلگن.
او بو سۉزلرنی طالبان ینه حاکمیتنی اېگه‌لله‌گنیدن کېینگی سۉنگگی بېش ییل دوامیده مکتب اۉقووچیسی و طلبه قیزلر مکتب همده بیلیم یورتیگه باریشدن محروم قیلینگن بیر پیتده اَیتگن.
طالبان سۉزلاوچیسی دوامیده افغانستانده ۱۰ میلیوندن آرتیق کیشی تعلیم آله‌یاتگنینی اَیتگن.
اونینگ اَیتیشیچه، اگر مملکت اهالیسی ۴۰ میلیون کیشی بۉلسه، بو هر تۉرت کیشیدن بیری تعلیم آله‌یاتگنینی انگله‌ته‌دی.
مجاهد معلوماتنی «مملکت خلقیگه بیر خوش‌خبر» دېب اته‌ب، تعلیم ساحه‌سیگه یخشی اعتبار قره‌تیلگنینی اَیتگن.
بو شونده‌ی بیرحالده دیر که بیرلشگن ملتلر تشکیلاتی‌نینگ تعلیم، فن و مدنیت مساله‌لری بۉییچه تشکیلاتی (یونسکو) هم افغانستان قیزلر و عیاللر‌نینگ باشلنغیچ تعلیمدن یوقاری درجه‌ده‌گی تعلیمگه ایریشیشی تقیقلنگن دنیاده‌گی یگانه دولت اېکنینی معلوم قیلگن اېدی.
یونسکو شونینگدېک، تخمیناً ۲،۴ میلیون قیز اۉرته تعلیمدن محروم اېکنینی تخمین قیلگن.
