مارکو روبیو، وزیر خارجه امریکا، در جریان سفر خود به سمرقند گفته که فرصت‌های تازه‌ای برای همکاری میان اوزبیکستان و ایالات متحده در حال شکل‌گیری است.
سعیده میرضیایف، رییس دفتر ریاست‌جمهوری اوزبیکستان، روز دوشنبه، ۱۹ اکتوبر، در صفحه ایکس نوشته که همراه با مارکو روبیو از میدان تاریخی و مشهور ریگستان در شهر سمرقند دیدن کرده است.
روبیو در گفت‌وگو با خبرنگاران گفته که سمرقند برای قرن‌ها یکی از مراکز مهم تجارت بین‌المللی بوده است.
او افزوده است که اکنون زمینه‌های تازه‌ای برای گسترش همکاری میان اوزبیکستان و ایالات متحده در این شهر فراهم می‌شود.
میرضیایف پیش‌‌تر گفته بود که اوزبیکستان برای گفت‌وگوها، دیدار با رهبران بخش تجارت و نشست شورای تجارت و سرمایه‌گذاری امریکا و اوزبیکستان آماده است.
