کابلده اۉزبېک تیلی ملی کونی مناسبتی بیلن طنطنه‌لی تدبیر اۉتکزیلدی
۸صبح، کابل: ۲۹-میزان اۉزبېک تیلی ملی کونی مناسبتی بیلن کابلده علمی-ادبی ییعیم بۉلیب اۉتدی.
اوشبو انجمن جمعه کونی، ۲۴-میزان، کابلده‌گی اۉزبېک مدنی فعاللری تامانیدن تشکیل اېتیلدی. اونده بیر گروه شاعرلر، یازووچیلر، مدنیت فعاللری و آقسقاللر اشتراک اېتدیلر.
«افغانستانده اۉزبېک تیلی‌نینگ اۉرنی» موضوعسیده اۉتکزیلگن اوشبو تدبیرده فعاللر مذکور تیل‌نینگ اهمیتی و موقعییگه اورغو بېردیلر.
اشتراکچیلر، شونینگدېک، افغانستانده اۉزبېک تیلی‌نینگ رواجلنیشی و باییب باریشیگه اعتبار قره‌تیلیشینی طلب قیلدیلر.
«افغانستانده اۉزبېک تیلی‌نینگ اۉرنی» موضوعسیده‌گی تدبیر مملکت وطنداشلری طالبان تامانیدن اۉز تیلی و مدنیتیگه قۉییله‌یاتگن چېکلاولردن شکایت قیله‌یاتگن بیر پیتده اۉتکزیلدی.
بوندن اوّل هم طالبان تورلی تیللرده، جمله‌دن، اۉزبېک تیلیده یازیلگن یازوولر و لوحه‌لرنی آلیب تشلش کبی حرکتلری سببلی کېنگ کۉلملی تنقیدلرگه اوچره‌گن اېدی.
