فایو: مهاجرلر‌نینگ قَیتیشی و اساسی آزیق-طعام محصولاتلری نرخی‌نینگ آشیشی افغانستاندهگی انسانپرورلیک انقراضنی کوچه‌یتیرماقده
۸صبح، کابل: بیرلشگن ملتلر تشکیلاتی‌نینگ آزیق-طعام و اېکینچیلیک تشکیلاتی (FAO) ایران و پاکستاندن مهاجرلر‌نینگ قَیتیشی، اساسی محصولاتلر نرخی‌نینگ آشیشی همده انسانپرورلیک یاردم اوچون مبلغ یېتیشمسلیگی افغانستاندهگی انسانپرورلیک انقراضنی کوچه‌یتیره‌یاتگنینی معلوم قیلدی.
اوشبو تشکیلات پنج‌شنبه کونی، ۲۳-میزان، اعلان قیلگن حساباتیده جاری ییلده ایران و پاکستاندن ۱،۲ میلیوندن آرتیق کیشی مملکتگه قَیتگنینی و بو انسانلر‌نینگ قَیتیشی ضعیف قتلمده‌گی جماعه‌لرگه ینه‌ده کتّه باسیم اۉتکزه‌یاتگنینی بیلدیرگن.
حساباتگه کۉره، چېگره‌لر‌نینگ یاپیلیشی همده هرموز بۉغازی و باشقه مهم سودا یۉللری آرقه‌لی تاو‌رلر تشیشده‌گی اوزیلیشلر اساسی محصولاتلر نرخی‌نینگ آشیشیگه سبب بۉلگن.
فائو مبلغ یېتیشمسلیگی انسانپرورلیک تشکیلاتلر‌نینگ یاردم کۉرسه‌تیش امکانیتلرینی هم چېکله‌یاتگنینی، عینی پیتده عایله‌لر‌نینگ شاشیلینچ یاردمگه بۉلگن احتیاجی آرتیب باره‌یاتگنینی قۉشیمچه قیلگن.
اوشبو تشکیلات قیش یقینلشه‌یاتگن بیر پیتده بو معمالر افغانستانده آچرچیلیک و تۉییب طعاملنمسلیک حالتلرینی کوچه‌یتیریشی همده ضعیف قتلمده‌گی عایله‌لرگه ینه‌ده کتّه باسیم اۉتکزیشی ممکنلیگیدن آگاهلنتیرگن.
