یونیسف: افغانستان مکتبلریده تازه سوودن فایده‌لنیش امکانیتی باله‌لر سلامتلیگینی سقلشگه یاردم بېره‌دی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) خلق‌ارا قۉل یوویش کونی مناسبتی بیلن مکتبلرده تازه سوودن فایده‌لنیش امکانیتی باله‌لر سلامتلیگینی سقلشگه یاردم بېریشینی معلوم قیلدی.
اوشبو تشکیلات پنج‌شنبه کونی، ۲۳-میزان، ایکس صحیفه‌سیده مکتبلرده تازه سوو و صابون موجودلیگی باله‌لرنی افلاسلنگن سوو سببلی یوزه‌گه کېله‌دیگن کسللیکلردن حمایه قیلیشینی یازدی.
یونیسف افغانستاندهگی باله‌لر احوالیگه تۉخته‌لر اېکن، تازه سوو، ساغلیق خدمتلری و ساغلیق واسطه‌لریدن فایده‌لنیش امکانیتی اهالی‌نینگ اساسی احتیاجلریدن اېکنینی تأکیدله‌دی.
تشکیلات افغانستان بۉیلب اهالی‌نینگ تازه سوو و ساغلیقنی سقلش خدمتلریدن فایده‌لنیش امکانیتینی یخشیلش اوچون حرکت قیله‌یاتگنینی قۉشیمچه قیلدی.
