یوناما: سۉنگگی اوچ آیده کمیده تۉرت نفر پاکستان حربیسی جان بېردی
۸صبح، کابل: بیرلشگن ملتلر تشکیلاتی‌نینگ افغانستاندهگی یاردم هیاتی (یوناما) سۉنگگی اوچ آی ایچیده کمیده تۉرت نفر سابق حربی اۉلدیریلگنینی معلوم قیلدی.
اوشبو تشکیلات پنج‌شنبه کونی، ۲۳-میزانده اعلان قیلینگن حساباتیده، شو دور مابینیده سابق خوفسیزلیک کوچلری اعضالری‌نینگ اۉزباشیمچه‌لیک بیلن حبسگه آلینیشی و اوشلب توریلیشیگه عاید ۱۴ ته حالتنی حجتلشتیرگنینی بیلدیردی.
یوناما اۉزی‌نینگ ینگی حساباتیده افغانستانگه قَیته‌یاتگن سابق حکومت عملدارلری و سابق خوفسیزلیک کوچلری اعضالری هنوز انسان حقوقلری بوزیلیشی خوفیگه دوچ کېله‌یاتگنینی تأکیدله‌گن.
بو خوف طالبان رهبری‌نینگ ۲۰۲۱-ییلده عمومی عفو اعلان قیلگنیگه قره‌مه‌ی دوام اېتماقده.
طالبان ۲۰۲۱-ییلده قَیته حاکمیتنی اېگه‌لله‌گنیدن سۉنگ، سابق حکومت و خوفسیزلیک کوچلری اعضالریگه نسبتا عمومی عفو اعلان قیلگن اېدی.
شونگه قره‌مه‌ی، بیرلشگن ملتلر تشکیلاتی‌نینگ حساباتلریده سابق خوفسیزلیک کوچلری اعضالری و سابق حکومت عملدارلری‌نینگ حبسگه آلینیشی، تهدید قیلینیشی و اۉلدیریلیشی حقیده بیر نېچه بار خبر بېریلگن.
