غزنیده اهالی بودجهسی بیلن زمانوی شفاخانه قوریلهدی
۸صبح، غزنی: غزنی ولایتیدهگی محلی منبعلر اوشبو ولایت مرکزیده اهالی مبلغی حسابیدن زمانوی شفاخانه قوریلیشی باشلنگنینی معلوم قیلدی.
منبعلر شنبه کونی، ۴ مېزان، ۸صبح گزېتهسیگه بېرگن صحبتیده اوشبو شفاخانهنی قوریش خرجتی ۱،۵ میلیون امریکا دالریگه بهالنگنینی و او اهالی همده بیر خیریه تشکیلاتی تامانیدن مالیهلشتیریلیشینی اَیتدی.
منبعلرگه کۉره، اوشبو شفاخانه غزنی شهرینینگ قلعه آهنگران حدودیده ۸۰۰ متر مربع میدانده، آلتی قبت قیلیب قوریلهدی.
شونینگدېک، اوشبو شفاخانهنی مالیهلشتیرهیاتگنلرنینگ اَیریملری ولایتدهگی دولت شفاخانهلریده ساغلیق خدمتلر یېتیشمسلیگی و بېمارلرنینگ معمالری سببلی اوشبو شفاخانهنی زمانوی ستندردلر اساسیده قوریشگه قرار قیلگنینی اَیتماقده.
بو حالت غزنی اهالیسی بوندن آلدین هم اۉز مبلغلری حسابیدن اۉنلب جماعت لایحهلرینی یکونلهگن بیر پیتده یوز بېرماقده.
