افغانستان وطنداشی امریکا گه ناقانونی کیرگنی اوچون ۵۱ کونلیک قماق جزاسیگه حکم قیلیندی
۸صبح، کابل: کانادا چېگره‌سی آرقه‌لی امریکا قۉشمه ایالتلریگه ناقانونی روشده کیرگن افغانستان وطنداشی ۵۱ کونلیک قماق جزاسیگه حکم قیلیندی.
امریکا‌نینگ نیویارک شمالی حدودی محکمه‌سی دوشنبه کونی، ۲۶-اسد کونی، ۳۰ یاشلی خان افضل احمدزی کابل شهری یشاوچیسی اېکنینی معلوم قیلگن.
اوشبو اداره بیاناتیگه کۉره، احمدزی ۳-جون کونی نیویارک‌نینگ شمپلین شهری یقینیده‌گی خلق‌ارا چېگره‌نی پیاده کېسیب اۉتیب، مهاجرت و باجخانه تېکشیروولریدن اۉتمسدن امریکا حدودیگه کیرگن.
معلوماتگه کۉره، احمدزی امریکاگه کیرگنیدن سۉنگ اوشبو مملکت چېگره خادملری تامانیدن قۉلگه آلینگن.
احمدزی جنایتیگه اقرار قیلگنیدن سۉنگ ۵۱ کونلیک قماق جزاسیگه حکم قیلینگن و اوشبو مدتنی اۉته‌ب بۉلگنیدن کېین اونی امریکادن چیقریب یوباریش جریانی باشلنه‌دی.
بیاناتده اَیتیلیشیچه، احمدزی بوندن اوّل هم امریکاگه کیریشگه اورینگن.
