افغانستان اولاق لیگهسی ییتینچی دوری؛ سرپل و بدخشان فینال گه یول تاپدی
۸صبح، کابل: افغانستان اولاق لیگهسی ییتینچی دوری یریم فینالیده سرپل و بدخشان اولاقچیلری رقیبلریگه غلبه قازانیب و اوشبو مسابقهلرنینگ فینالی گه یول تاپدی.
بوگون، ۳۰- قوس، یکشنبه، کابل شهری یکهتوت حدودیده اۉتکزیلگن اوشبو مسابقهلرنینگ بیرینچی اویینیده بدخشان ۳-۱ فرقی بیلن بغلان گه غلبه قازانیب و فینال گه یول تاپدی و ایکینچی اویینده اېسه سرپل اولاقچیلری ۹-۲ فرقی بیلن قندوز گه غالب بولیب و بدخشان رقیبی بولدی.
اوشبو مسابقهلرنینگ فینالی ایرته توشدن آلدین ساعت ۱۰:۰۰ کابل شهری یکهتوت ده اۉتکزیلهدی.
افغانستان اولاق لیگهسی ییتینچی دوری، اوشبو قویاش ییل، ۲۱- قوسده ۱۱ جماعه اشتراکی بیلن تورت گروهده باشلندی.
اولاق (اوغلاق) مملکتنینگ سپورت بوییچه اویینلریدن بیری بولیب اینیقسه افغانستاننینگ شمالیده کوپینچه طرفدار گه ایگه. اولاق بیللشووی قیش موسمی یېتیب کیلیشی بیلن مملکتنینگ بعضی ولایتلری جملهدن شمال و شمالشرق ولایتلریده باشلنهدی.
