پولیوسیز افغانستان تشکیلاتی اهالینی عمومی اېملش کمپاینیده اشتراک اېتیشگه چقیردی
۸صبح، کابل: پولیوسیز افغانستان تشکیلاتی عایله‌لرنی شو هفته باشلنه‌دیگن عمومی پولیوگه قرشی اېملش کمپاینیده فرزندلرینی اېمله‌تیشگه چقیردی.
اوشبو تشکیلات شنبه کونی، ۹ عقرب، ایکس صحیفه‌سیده برچه عایله‌لر افغانستاننی باله‌لر فلجی کسللیگیدن خالی قیلیش اوچون اۉز حصه‌سینی قۉشیشی کېره‌کلیگینی یازدی.
مذکور اېملش کمپاینی دوشنبه کونی، ۱۱ عقرب سنه‌سیده، افغانستان‌نینگ برچه حدودلریده باشلنیشی رېجه‌لشتیریلگن.
تشکیلات مملکت وطنداشلریدن اوشبو کمپاینده فرزندلرینی اېمله‌تیش آرقه‌لی پولیو کسللیگی ترقه‌لیشی‌نینگ آلدینی آلیشگه حصه قۉشیشنی سۉره‌دی.
اوشبو کمپنی افغانستان پولیو ویروسی هنوزگچه موجود بۉلگن دنیاده‌گی ایکّی مملکتدن بیری بۉلیب قاله‌یاتگن بیر پیتده اۉتکزیلماقده.
بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) هم افغانستانده ۱۲،۷ میلیون نفر باله باله‌لر فلجی (پولیو) کسللیگیگه قرشی اېملنگنینی معلوم قیلدی.
