افغانستان‌نینگ اقتصادی و ساغلیقنی سقلش معمالری طالبان حاکمیتنی اېگه‌لله‌گنیدن سۉنگ ینه‌ده چوقورلشدی
۸صبح، کابل: امرجنسی (EMERGENCY NGO) تشکیلاتی اَیتیشیچه، خلق‌ارا کوچلر چیقیب کېتگنی و افغانستان‌نینگ طالبان قۉلیگه اۉتگنیدن بېش ییل اۉتیب هم مملکتده‌گی انسانپرورلیک، اقتصادی و ساغلیقنی سقلش معمالری همان یامانلشیب بارماقده.
اوشبو تشکیلات چهارشنبه کونی، ۲۱-اسد، بېرگن حساباتیده افغانستاندهگی اقتصادی انقراض منطقه‌ده‌گی کېسکینلیکلر کوچه‌یگن بیر پیتده ینه‌ده چوقورلشگنی و منطقوی تۉقنه‌شوولر مملکت‌نینگ اَیریم اساسی سودا یۉللرینی ایزدن چیقرگنینی معلوم قیلگن.
حساباتگه کۉره، سودا یۉللریده‌گی اوزیلیشلر اساسی تاورلر، جمله‌دن، آزیق-آوقت و دارو-درمانلر‌نینگ تأمیناتی، اولردن فایده‌لنیش امکانیتی و نرخلریگه تأثیر کۉرسه‌تگن.
تشکیلات قۉشیمچه قیلیشیچه، زلزله و سوو تاشقینلری کبی طبیعی آفتلر‌نینگ تېز-تېز صادر بۉلیشی، زۉرآورلیکلر‌نینگ کوچه‌ییشی همده عیاللر و قیزلر حقوقلری‌نینگ بوزیلیشی افغانستان‌نینگ ضعیف جمعیتیگه ینه‌ده کتّه باسیم اۉتکزگن.
امرجنسی تشکیلاتی افغانستانگه خلق‌ارا مالیوی یاردم هم سېزیلرلی درجه‌ده کمه‌یگنینی اَیتگن.
۲۰۲۵-ییلده مبلغ یېتیشمسلیگی سببلی ۴۴۵ ته ساغلیقنی سقلش مرکزی یاپیلیشگه یاکه فعالیتینی تۉخته‌تیشگه مجبور بۉلگن و اوچ میلیوندن آرتیق کیشی طبی خدمتلردن محروم بۉلگن.
