امریکا: طالبان افغانستان کیله‌جگی نینگ یالغیز اویینچیلری اېمس
امریکا تشقی ایشلر وزیرلیگی سوزلاوچیسی متیو میلر دوحه ایکّینچی ییغیلیشی ده طالبان وکیلی نینگ اشتراک قیلمسلیگی خصوصیده ایتیشیچه، بو گروه افغانستان کیله‌جگی نینگ یالغیز اویینچیلری اېمس دیر.
میلر بو سوزلرنی ۱ حوت سه‌شنبه کیچه، خبری بیر ییغیلیشده بیان قیلگن.
میلر گه کوره، امریکا اۉز وکیللرینی واشنگتن، انسان حقلری رعایت ایتیلیشی، افغانستان ترورچی گروه‌لر نینگ اویه‌سیگه اوزگرمسلیگی و مدنی جماعه‌چیلیک فعاللری بیلن همکارلیک قیلیش اوستیگه تاکید ایتیش مقصدیده بو ییغیلیش گه یوبارگندی.
اونینگ کوپه‌یتیریشیچه: «طالبان خلق‌ارا همجمیعت وکیللری ییغیلیشیده اشتراک ایتیش تکلیفینی رد ایتگنیدن جوده‌هم حیران من دیب ایته آلمه‌ی من. طالبان افغانستان کیله‌جگیده حصه‌سی بولگن یالغیز افغان‌لر اېمس دیر.»
امریکا اوشبو رسمی‌سی، دوحه ییغیلیشیده مدنی جماعه‌چیلیک فعاللری بیلن روسیه و ایران وکیللری نینگ اوچره‌شمسلیگی اوستیگه تاکیدلب، واشنگتن افغانستان نینگ سیاسی کیله‌جگیده برچه تامان‌لر جمله دن خاتین قیزلر نینگ رولینی قۉللب-قوتلش گه دوام بیریشینی معلوم قیلگن.
میلر نینگ کوپه‌یتیریشیچه: «دیپلماسی یوللر آرقه‌لی افغانستان مدنی جماعه‌چیلیگینی قۉللب-قوتلش اوچون تلاش قیله‌یپمیز، برچه مملکت‌لرنی بو یولنی اېزلش گه ترغیب قیله‌میز.»
ایتیش کېره‌ک بیرلشگن ملتلر تشکیلاتی دلو آی نینگ ۲۹ و ۳۰ کونلری افغانستان وضعیتی گه دایر ۲۷ مملکت وکیللری نینگ حضوری بیلن قطر پایتختی دوحه ده ییغیلیش یولگه قویدی.
بو ییغیلیشده مملکت‌لر نینگ طالبان بیلن همکارلیک قیلیشی و افغانستان ایشلری بوییچه اوشبو تشکیلات نینگ مخصوص وکیلی ایتیب تعیینلنیشی کوتیلردی.
طالبان مذکور ییغیلیش گه تکلیف بولگن اېدیلر، بیراق بیرلشگن ملتلر تشکیلاتی تامانیدن طلب‌لری قبول بولمسلیگی اوچون اشتراک قیلمه‌دیلر.
