خلق‌ارا کېچیریم تشکیلاتی طالبان نینگ قیزلر مکتب‌لرینی یاپیش حقیده‌گی بهانه‌لرینی «بی‌معنالیک» دیب اته‌دی
۸صبح، کابل: افغانستانده ۱۴۰۳اوقوو ینگی ییل باشلنیشی بیلن بیرگه، خلق‌ارا کېچیریم تشکیلاتی مملکتده قیزلر نینگ مکتب‌لرینی یاپیش حقیده‌گی بهانه‌لرینی «بی‌معنالیک» دیب اته‌گن.
اوشبو تشکیلات ۱ حمل، چهارشنبه کونی ایکس صحیفه‌سیده طالبان نینگ بو بهانه‌لرینی «یالغان و افغانستانده کم‌سیتیشنی عملگه آشیریش» عنوان قیلگن.
خلق‌ارا کېچیریم تشکیلاتی ېنه بیر مراتبه طالبان‌دن آلتینچی صنف‌دن یوقاری قیزلر گه مکتب‌لر ایشیگینی آچیشنی سۉره‌گن.
قیز اوقووچیلردن بیری خلق‌ارا اوشبو نهاد گه برچه آرزولری یوق بولگنینی اېتگن.
ایتیش کېره‌ک که اۉتگن کون (چهارشنبه، ۱ حمل) طالبان معارف وزیرلیگی ۱۴۰۳ اوقوو ییل قونغیراغینی قیزلر نینگ حضورسیزلیگی بیلن چلدی.
افغانستانده قریب اوچ ییلدن بیری آلتینچی صنف‌دن یوقاری قیز اوقووچیلر، تعلیم حقیدن محروم اېتیلگنلر.
طالبان ۱۴۰۰ ییل اسد آی‌ده افغانستانده ایکّینچی مرته حاکمیت تېپه‌سیگه اېریشگچ، قیزلرنی اوقیشدن محروم قیلیش گه قوشیمچه، اولرنی تحصیل و ایشدن منع قیلگن.
مملکتده طالبان حاکمیتیدن قریب اوچ ییل اۉتماقده اېکن، بو گروه قیزلر نینگ مکتب و تحصیل گه دوام بیریشی اوچون حاضرگچه زمینه یره‌تیلمه‌گنینی اېته‌دی.
ایتیش کېره‌ک که طالبان حاکمیتیده افغانستان دنیا بویلب خاتین قیزلر اوقیش، تحصیل و ایشدن محروم اېتیلگن یالغیز مملکت دیر.
