جولی: ناقانونی مهاجرلرنی چیقاریش دنیا بۉیلب انسان حقوقلریدن آرته‌گه چېکینیش‌نینگ یقال مثالی دیر
۸صبح، کابل: هالیودنینگ تانیقلی صنعتچیسی آنجلینا جولی پاکستان آرقلی افغانستانلیک مهاجرلر چیقاریلیشینی تنقدی قیلدی.
جولی ۲۱-عقرب یک‌شنبه کیچه‌سی اۉزی‌نینگ انستاگرام صحیفه‌سیده، پاکستان‌دن افغانستانلیک قاچقینلر و مهاجرلر جبری چیقاریلیشی «دنیا بۉیلب انسان حقوقلریدن آرتگه چیکینیش» نینگ ینه بیر یقال مثالی دېب ایتگن.
افغانستانلیک مهاجرلر پاکستان‌دن چیقاریلیشی «افغانستان خلقی غذابی‌نینگ تاریخ جریانیده‌گی ینگی بیر تراژیدیسی» دېگن خانم جولی.
اونینگ تاکیدله‌شیچه: «افغانستان خلقی چمه‌سی قیرق ییلدن بېری اوروش، توقنشوو و آواره‌لیکدن بۉلک نرسه‌نی تجربه قیلمه‌دیلر و اولرگه یخشی بیر کېله‌جک وعده قیلینگن بیر پیتده، دنیا تامانیدن اونیتیلدیلر.»
آنجلینا جولی: «عیاللر ینه برچه حقوق و تعلیم امکانیتلریدن محروم بۉلگن، کۉپلری قماققه تشلنگن و چوقور انسانی بحران حکم سوره‌یاتگن بوگونگی افغانستانده امان قالیش‌نینگ امکان‌سیز واقعلیکلریگه دوچ کېله‌یاتگن قاچقینلرنی بیردنیگه قَیتره‌یاتگنیدن افسوسده‌من» دیدی.
اېسله‌تیب اۉتیش کیره‌ک، پاکستان بېلگیلنگن مدتدن کېین «ناقانونی» مهاجرلر و باش‌پناه ایزلاوچیلرنی حبسگه آلیش و چیقاریش جریانینی باشله‌گن.
پاکستان رسمیلری، بو مهاجرلر و باش‌پناه ایزلاوچیلر حبسگه آلینگندن سۉنگ اوشلب توریش مرکزلری دېب ناملنووچی مرکزلرگه کۉچیریلیشی و بو مرکزلرده مأموری جریاندن اۉتیب، اۉز مملکتلریگه قَیتریلیشینی اعلان قیلدی.
پاکستان رسمیلری فقط حجت‌سیز آدملرنی حبسگه آلیشلری جبری چیقاریشنی ایتیشگن بۉلسه‌لر-ده، حجت‌سیز مهاجرلر و باش‌پناه ایزلاوچیلر حبسگه آلینگنی حقیده کۉپلب خبرلر بار.
