کاکر، طالبان رهبرلری‌نینگ تهدیدلی اظهاراتلریگه عکس‌العمل کۉرستدی
۸صبح، کابل: پاکستان وقتینچه‌لیک باش وزیری انوارالحق کاکر، بو مملکتده‌گی ناقانونی مهاجرلر چیقاریلیشی تۉغریسیده طالبان ایریم رهبرلری نینگ تهدیدلی اظهاراتلرینی «مسوولیت‌سیز و چلغوتوچی» دېب ایتگن.
کاکر بو قبیل سۉزلرنی ۱۶عقرب سه‌شنبه‌کونی خبری بیر انجمن‌ده تیلگه آلگن دیر.
پاکستان وقتینچه‌لیک باش وزیری، بو مملکتدن افغانستانلیک مهاجرلر و قاچقینلرنی چیقاریش لایحه‌سی اعلان قیلینگدن کېین «ترورچیلیک اقداملر» آشگنیگه اشاره قیلیب: «رهبرلرنینگ اظهاراتی |طالبان| پاکستان خلقی احساساتینی جراحتلی قیلگن.» دېب بیلدیردی.
اونینگ تاکیدله‌شیچه، پاکستان حکومتی نینگ چېت اېللیک ناقانونی مهاجرلرنی قیتریشی عجبلنرلی همده کوتیلمه‌گن بیر نرسه اېمس دیر.
«اوشبو ناقانونی یاتلر پاکستان‌ده نابرقرارلیکلر آشیشیگه کوپراق روللری بارلیگینی» تاکیدله‌دی او.
کاکرنینگ سۉزلریگه کۉره، سۉنگی ایکّی ییل ایچیده ایکّی مینگ ۲۰۷ کیشی «گناه‌سیز پاکستانلیک» «ترورچیلیک» هجوملر عاقبتیده اۉلدیریلدی.
پاکستان وقتینچه‌لیک حکومت باش وزیری، افغانستانلیک مهاجرلرنینگ پاکستان‌ده «ترورچیلیک و انتحاری» هجوملرده قۉللری بارلیگی سبب، بو مملکت اولرنی چیقاریشگه اولگوردی دېدی.
پاکستان نینگ ناقانونی چېت اېللیکلرنی قَیتریش اوچون قانونی و معنوی امتیازگه اېگه اېکنلیگینی تأکیدلب، بو سیاستده چېکینیش بۉلمسلیگینی قۉشیمچه قیلدی او.
بوندن تشقری، انوارالحق کاکر طالباندن افغانستانده ناقانونی یشب، پاکستان ایچیده ترورچیلیک فعالیتینی عملگه آشیره‌یاتگن پاکستانلیکلرنی تاپشیریشنی سۉره‌گن.
او، شونینگدېک، طالبان افغانستاندهگی پاکستان تحرک طالبان پاکستان نینگ یاشیرین جایلری و اۉقوو مرکزلرینی یۉق قیلیش اوچون برچه چاره‌لرنی کۉریشی کېره‌ک‌لیگینی تأکیدله‌دی.
انوارالحق کاکرنینگ قۉشیمچه قیلیشیچه، طالبان افغانستان اوستیدن نظارتنی قَیته تیکله‌گنیدن سۉنگ پاکستانده‌گی «ترورچیلیک» هجوملری ۶۰ فایزگه آشگن و «بو قۉرقوو هجوملر آرتیده افغانستان‌دن حرکت قیله‌یاتگن تی‌تی‌پی توریبدی».
کاکرنینگ کوپه‌یتیریتیشیچه، طالبان کفالتلردن قطع نظر، ترور گروهلریگه قرشی کېره‌کلی چاره‌لرنی کۉرمه‌گن، بیراق اولرگه کۉمکلشه‌یاتگنیگه عاید انیق دلیللر آلینگن.
عینِ پیتده، سۉنگی بیر نېچه کون ایچیده بیر قطار طالبان یېتکچیلری پاکستان نینگ بو مملکتدن ناقانونی مهاجرلرنی چیقاریش قرارینی دایمی روشده تنقید قیلیب کېله‌دی.
بو آره ده طالبان رییس الوزراء سی ملا حسن آخوند پاکستان بلند مرتبه‌لی رسمیلرینی آچّیق آگاهلنتیریب خطاب قیلیشیچه، مهاجرلر برابریده‌گی یانده‌شوولرینگیز سبب، افغانستان‌دن اېزگو علاقه کوتمنگ دېگندی.
شونینگدېک طالبان تشقی ایشلر وزیرلیگی معینی شیرمحمد عباس ستانکزی، پاکستان امنیتی کوچلری و حکومت نینگ مهاجرلر بیلن یانده شوونی «ظالمانه» دېب، بو توغریده طالبلرنینگ سیاستی اۉزگره‌دی دېب آگاهلنتیرگن اېدی.
اونینگ تأکیدلشیچه، طالبان رژیمی “کوچلی مدافعه وزیرلیگیگه اېگه” و قۉشنیلریگه قره‌گنده کۉپراق قورال و یخشی تیارلنگن کوچلرگه اېگه.
