معلوللیگی بۉلگن شخصلر اوچون امتیازلر؛ طالبان جنگریلری ۱۰ مینگ تینچ اهالی اېسه ایکّی مینگ افغانی آله‌دی
۸صبح، هلمند: هلمندده‌گی محلی منبعلر طالبان معلوللیگی بۉلگن شخصلر و اوشبو گروهگه قره‌شلی جان بېرگن جنگچیلر‌نینگ عایله‌لریگه قریب ۱۰ مینگ افغانی مقداریده امتیاز تۉله‌شینی، تینچ اهالی اېسه ایکّی مینگ افغانی آلیشینی اَیتماقده.
منبعلر چهارشنبه کونی، ۱۵ میزان، ۸صبح گزېته‌سیگه بېرگن صحبتیده طالبان صفیده جان بېرگن جنگچیلر‌نینگ عایله‌لری آییگه ۱۰ مینگ‌دن ۱۵ مینگ افغانیگچه مبلغ آلیشینی اَیتدی.
منبعلر‌نینگ اَیتیشیچه، اوروشده معلول بۉلیب قالگن طالبان جنگچیلری هم آییگه ۶ مینگ‌دن ۱۰ مینگ افغانیگچه مبلغ آله‌دی، بیراق معلوللیگی بۉلگن تینچ اهالیگه ۲۰۰ دن ۱ مینگ افغانیگچه تۉله‌نه‌دی.
اَیتیشلریچه، جان بېرگن یاکه معلول بۉلیب قالگن طالبان جنگچیلریگه بېریله‌دیگن امتیازلر هر اوچ یاکه آلتی آیده تۉله‌نه‌دی، بیراق تینچ اهالیگه بېریله‌دیگن امتیازلر انچه کۉپراق کېچیکتیریب تۉله‌نه‌دی و بعضاً بو جریان بیر ییلگچه چۉزیله‌دی.
منبعلر‌نینگ اَیتیشیچه، امتیازلرنی تۉله‌شده‌گی بو فرق اوروشدن ضرر کۉرگن تینچ اهالی عایله‌لری‌نینگ ینه‌ده کۉپراق اقتصادی معمالرگه دوچ کېلیشیگه سبب بۉلگن.
