اۉزبېکستان افغانستاندهگی اَیریم تاریخی آبده‌لرنی قَیته قوریش و ترمیملشده همکارلیک قیله‌دی
۸صبح، کابل: طالبان اۉزبېکستان هیاتی افغانستان‌نینگ شمالی و شمالی-شرقی حدودلریده‌گی اَیریم ولایتلرگه تشریف بویورگنی همده اوشبو ولایتلرده‌گی تاریخی آبده‌لرنی قَیته قوریش و ترمیملشده همکارلیک قیلیشینی معلوم قیلدی.
طالبان‌نینگ اخبارات و مدنیت وزیرلیگی یک‌شنبه کونی، ۱۹-میزان، اعلان قیلگن بیاناتیده اۉزبېکستان هیاتی اوشبو مملکت مدنی میراث آژانسی‌نینگ اۉرین‌باسری عزیزجان عارف‌جانوف باشچیلیگیده افغانستانگه تشریف بویورگنینی بیلدیردی.
بیاناتگه کۉره، اۉزبېکستان هیاتی تخار ولایتیگه تشریفی چاغیده «مشرب بابا» تاریخی آبده‌سینی قَیته قوریش و ترمیملشگه وعده بېرگن.
هیات معلوم قیلیشیچه، تخار ولایتی‌نینگ اشکمش تومنیده‌گی «مشرب بابا» مجموعه‌سینی قَیته قوریش لایحه‌سیده قربانلیک جایی، عاموی کتابخانه، مسجد، یشیل حدود، موترتوررگاه و باشقه ضرور انشااتلر برپا اېتیش کۉزده توتیلگن.
سرپل ولایتی و فاریاب ولایتی‌نینگ اندخوی اولسواللیگیدن محلی منبعلر هم اۉزبېکستان هیاتی اوشبو حدودلرگه تشریفی چاغیده تاریخی آبده‌لرنی کۉزدن کېچیرگنینی همده اولرنی قَیته قوریش و ترمیملشده همکارلیک قیلیشگه وعده بېرگنینی اَیتماقده.
