بیرلشگن ملتلر تشکیلاتی: قیزلر چېکلاولرگه قره‌مه‌ی اۉز آرزولری یۉلیده حرکت قیلماقده
بیرلشگن ملتلر تشکیلاتی‌نینگ تأکیدلشیچه، بوتون دنیا بۉیلب قیزلر تۉسیق و چېکلاولرگه قرشی توریب، اۉز آرزولرینی رۉیابگه چیقریش اوچون حرکت قیلماقده.
اوشبو تشکیلات یکشنبه کونی، ۱۱-اکتوبرده، خلق‌ارا قیزلر کونی مناسبتی بیلن قیزلرنی اۉز کېله‌جگینی قوریشده قۉللب-قوّتلشگه چقیردی.
تشکیلات‌نینگ اَیتیشیچه، قیزلر تعلیمدن محروم اېتیلیش، مجبوری نکاح و جنسیت‌گه اساسلنگن زۉرآورلیک کبی تۉسیقلرگه دوچ کېلماقده.
بیرلشگن ملتلر تشکیلاتی اوشبو قیینچیلیکلرگه قره‌مه‌ی، قیزلر اۉز آرزولرینی رۉیابگه چیقریش اوچون حرکت قیلیشده دوام اېته‌یاتگنینی قۉشیمچه قیلدی.
بیرلشگن ملتلر تشکیلاتی باش مجمع‌سی ۲۰۱۱-ییلده ۱۱-اکتوبرنی خلق‌ارا قیزلر کونی دېب اعلان قیلگن.
اوشبو سنه ایلک بار ۲۰۱۲-ییلده نشانلنگن.
