بیرلشگن ملتلر تشکیلاتی: افغانستانده ۸۳۳ دن آرتیق مکتب و ساغلیقنی سقلش مرکزی قویاش انرژیسی تیزیملری بیلن جهازلندی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP)نینگ افغانستاندهگی وکالت‌خانه‌سی معلوم قیلیشیچه، ۸۳۳ ته مکتب و ساغلیقنی سقلش مرکزینی قویاش انرژیسی اساسیده ایشله‌یدیگن برق تیزیملری بیلن جهازلش لایحه‌سیدن ۸۱۲ مینگدن آرتیق عیال و قیز منفعت کۉرگن.
اوشبو تشکیلات یکشنبه کونی، ۱۹-مېزان کونی، خلق‌ارا قیزلر کونی مناسبتی بیلن بېرگن بیاناتیده، لایحه دایره‌سیده تۉرت مینگ و ۴۱۰ نفر عیال اۉقیتووچی و بیر مینگ و ۶۰۷ نفر عیال طبیات خادیمی اوشبو خدمتلردن فایده‌لنگنینی معلوم قیلدی.
بیرلشگن ملتلر تشکیلاتی‌نینگ اَیتیشیچه، «SESEHA» لایحه‌سی، شونینگدېک، ۲۰ نفر عیالنی قویاش انرژیسی برق تیزیملری ساحه‌سیده اۉقیتیب، اولرنی اوشبو یۉنه‌لیشده ایشلشگه تیّارله‌گن.
بیرلشگن ملتلر تشکیلاتی‌نینگ ترقیات دستوری اوشبو لایحه‌‌نینگ مقصدی قویاش انرژیسیدن فایده‌لنیش امکانیتلرینی کېنگه‌یتیریش همده افغانستاندهگی عیاللر و قیزلر اوچون یخشیراق امکانیتلر یره‌تیشدن عبارت اېکنینی تأکیدله‌گن.
