بیرلشگن ملتلر تشکیلاتی قندهارده معتادلرنی دوالش خدمتلری کېنگه‌یتیریلگنینی معلوم قیلدی
۸صبح، قندهار: بیرلشگن ملتلر تشکیلاتی‌نینگ مخدره مادّه‌لر و جنایتچیلیککه قرشی کوره‌ش بۉییچه باشقرمه‌سی (UNODC) جاپان یاردمیده افغانستانده‌گی ضعیف قتلم وکیللری‌نینگ معتادلیکدن دوالنیش خدمتلری و ایش امکانیتلریدن فایده‌لنیش امکانیتلرینی کېنگه‌یتیره‌یاتگنینی معلوم قیلدی.
اوشبو باشقرمه دوشنبه کونی، ۲۷ میزان، جاپان اېلچیخانه‌سی‌نینگ افغانستانده‌گی هیاتی، مملکت اېلچیسی ماساموتو کنیچی باشچیلیگیده، قندهارده باشقه‌رمه لایحه‌لری عملگه آشیریله‌یاتگن جایلرگه تشریف بویورگنینی اعلان قیلدی.
باشقه‌رمه معلوماتیگه کۉره، جاپان‌نینگ افغانستانده‌گی اېلچیخانه‌سی و جاپان خلق‌ارا همکارلیک آژانسی (JICA) اوشبو لایحه‌لرنی قۉللب-قوّتله‌ماقده.
بو لایحه‌لر ضعیف قتلم وکیللریگه یاردم بېریش، معتادلیکدن دوالنیش اوچون شرایط یره‌تیش همده افغانستانده مقابل تیریکچیلیک منبعلری و درآمد تاپیش امکانیتلرینی یره‌تیش مقصدیده عملگه آشیریلماقده.
