منبعلر: غزنی ولایتی‌نینگ قره‌باغ تومنیده یشاوچیلر آلتی میلیون افغانیدن آرتیق مبلغ صرفلب مکتب قوردیلر
۸صبح، غزنی: غزنی ولایتیده‌گی منبعلر‌نینگ اَیتیشیچه، اوشبو ولایت‌نینگ قره‌باغ تومنیده‌گی تمکی قیشلاغی اهالیسی اۉز مبلغلری حسابیدن آلتی میلیون افغانیدن آرتیق خرجت قیلیب، بیرته مکتب بناسینی قورگن.
منبعلر دوشنبه کونی، ۲۷ میزان، ۸صبح گزېته‌سیگه بېرگن معلوماتیده اوشبو مکتب بناسی ۱۲ ته اۉقوو خانه‌سیدن عبارت اېکنینی اَیتیشگن.
منبعلر‌نینگ اَیتیشیچه، بو مکتب کمیده ۳۰۰ نفر اۉقووچی اوچون تعلیم آلیش شرایطینی یره‌تیش امکانیتیگه اېگه.
بوندن آلدین هم غزنی ولایتی اهالیسی اۉز مبلغلری حسابیدن ولایت‌نینگ تورلی حدودلریده بیر نېچه ته مکتب قورگن.
بو حالت طالبان حاکمیتنی قَیته اېگه‌لله‌گنیدن سۉنگ، آلتینچی صنفدن یوقاری صنفلرده اۉقیدیگن قیزلر‌نینگ مکتبگه باریشدن محروم اېتیلگن بیر پیتده یوز بېرماقده.
