جهان ساغلیقنی سقلش تشکیلاتی: ننگرهار و لغمانده ۶۸ مینگدن آرتیق کیشی طبی خدمتلردن فایده‌لندی
جهان ساغلیقنی سقلش تشکیلاتی (WHO) ایتالیا حکومتی مالیوی یاردمیده ننگرهار و لغمان ولایتلریده‌گی اوشبو تشکیلات تامانیدن قۉللب-قوّتلنه‌دیگن ساغلیقنی سقلش مرکزلریده ۶۸ مینگدن آرتیق کیشی بیرینچی طبی خدمتلردن فایده‌لنگنینی معلوم قیلدی.
اوشبو تشکیلات دوشنبه کونی، ۲۷ میزان، بو کیشیلر‌نینگ ۳۱ مینگدن آرتیغی عیاللر، ۲۰ مینگدن آرتیغی باله‌لر و ینه ۲۰ مینگدن آرتیغی وطنیگه قَیتگن شخصلر اېکنینی بیلدیردی.
جهان ساغلیقنی سقلش تشکیلاتی معلوماتیگه کۉره، اوشبو مرکزلر اهالیگه ساغلیق خدمتلری، آنه و باله سلامتلیگینی محافظه قیلیش، طعاملنیش بۉییچه خدمتلر، اېملش، دارو-درمان بیلن تأمینلش، شاشیلینچ تېز یاردم خدمتی همده روحی-اجتماعی یاردم کۉرسه‌ته‌دی.
تشکیلات ایتالیا حکومتی‌نینگ یاردمی افغانستان‌نینگ شرقی حدودلریده اهالیگه طبی خدمتلر کۉرسه‌تیشگه یاردم بېره‌یاتگنینی قۉشیمچه قیلدی.
