جمعی خوفسیزلیک شرطنامهسی تشکیلاتی باش کاتبی تاجیکستان–افغانستان چېگرهسیدن کۉریب چیقدی
۸صبح، کابل: جمعی خوفسیزلیک شرطنامهسی تشکیلاتی باش کاتبی طلعتبیک محمد صادقوف تاجیکستانگه سفری چاغیده افغانستان و تاجیکستان اۉرتهسیدهگی چېگرهنینگ اَیریم قِسملرینی کۉزدن کېچیرگن.
اوشبو تشکیلات، دوشنبه کونی، ۸ سرطان، اعلان قیلگن خبریده جمعی خوفسیزلیک شرطنامهسی تشکیلاتی باش کاتبی تاجیکستان ملی خوفسیزلیک دولت کمیتهسی اۉرینباسری و چېگره قۉشینلری قوماندانی جنرال مرادعلی ربژادزاده بیلن جمعی خوفسیزلیک شرطنامهسی تشکیلاتینینگ تاجیکستان–افغانستان چېگرهسینی مستحکملشگه قرهتیلگن دولتلررا مقصدلی دستورینی عملگه آشیریش جریانی یوزهسیدن مذاکره اۉتکزگنینی معلوم قیلگن.
حساباتگه کۉره، طلعتبیک محمد صادقوف چېگرهنینگ اَیریم قِسملرینی کۉزدن کېچیریش بیلن بیرگه، چېگره اۉتیش یۉلی همده تاغلی حدوددهگی چېگره یۉلینینگ قوریلیش جریانینی هم کۉزدن کېچیرگن.
حساباتده ایتیلیشیچه، طلعتبیک محمد صادقوف، تاجیکستان جمهور باشلیغی امامعلی رحماننینگ شخصی تکلیفیگه بناءً ایکّی کونلیک تشریف بیلن اوشبو مملکتگه بارگن.
افغانستان چېگرهسی آرقهلی مرکزی آسیا دولتلریگه، اینیقسه تاجیکستانگه مخدره مادّهلر قاچاق و ترانزیتی، شونینگدېک چېگره خوفسیزلیگی جمعی خوفسیزلیک شرطنامهسی تشکیلاتیگه اعضا دولتلرنینگ دایمی تشویشلریدن بیری بۉلیب کېلماقده.
