اۉزبېکستانده مخدره مادّهلرنی ساتیشده گمان قیلینگن افغانستان وطنداشی اوشلندی
۸صبح، کابل: افغانستان وطنداشی اۉزبېکستاننینگ ترمذ شهریدهگی «خلقارا سودا مرکزی»ده مخدره مادّهلرنی ناقانونی آلیب کیریش و ساتیشده عیبلنیب، قۉلگه آلینگن.
اۉزبېکستاننینگ قلمپیر نشری شنبه کونی، ۳۱ اسد، بو افغانستان وطنداشی ۲ مینگ ۵۰۰ امریکا دالریگه تریاک مادّهسینی تخمینی خریدارگه ساتهیاتگن وقتیده قۉلگه آلینگنینی خبر قیلگن.
حساباتگه کۉره، بو افغانستان وطنداشی قویاش ۱۳۸۲- ییلده توغیلگن بۉلیب، قۉلگه آلینگن وقتیده یانیده ۵۰۶ گرام تریاک بۉلگن.
خبرده اَیتیلیشیچه، بو شخص مخدره مادّهلرنی قۉشنی مملکت (افغانستاندن) یشیرین روشده آلیب کیرگن و اونی آلیب اۉتیش اوچون اۉز تنهسینینگ ایچکی اعضالریدن بیریدن فایدهلنگن.
شو بیلن بیرگه، مخدره مادّهلرنی افغانستاندن مرکزی آسیاگه و او یېردن اروپاگه آلیب اۉتیش اوشبو منطقه مملکتلرینینگ جدّی تشویشلریدن بیری دیر.
