چېگره بیلمس شفاکارلر تشکیلاتی: جاری ییل افغانستانده کسللر سانی آشگن
۸صبح، کابل: افغانستاندهگی چېگره بیلمس شفاکارلر تشکیلاتی جاری ییلده بو تشکیلات‌نینگ شفاخانه‌لرده‌گی کسللر سانی آشگنی باره‌سیده خبر بېرگن دیر.
اوشبو تشکیلات ۲۱- عقرب یک‌شنبه کونی ایکس اجتماعی صحیفه‌ده یازیب میلادی جاری ییل‌نینگ جنوریدن جون آییگچه تۉپلم ۲۶۴منیگ ۳۹۴ کسل تشکیلات‌نینگ افغانستاندهگی کسلخانه‌لریگه مراجعه قیلگنلر دېب معلوم قیلگن.
چېگره بیلمس شفاکارلر تشکیلاتی‌نینگ قۉشیمچه قیلیشیچه، بو آره‌ده ۱۷۹ مینگ ۸۶۰ نفر تشکیلات‌نینگ تیز یاردم بۉلیمیده مصلحت کۉرگنلر ۵۰ مینگ ۱۹ کیشی بستری اېتیلگنلر.
شونینگدېک چېگره بیلمس شفاکارلر تشکیلاتی سکّیزمینگ ۸۶۴ کیشینی تېز یاردم خذمتلر و یېتّی مینگ ۶۲۹ نفرنی اېسه جراحلیک خذمتلر آرقلی قاپلگنلیکلرینی بیلدیردی.
اوشبو تشکیلات معلوماتلریگه کۉره، شو وقت ایچیده او اۉز شفاخانه‌لریده ۲۲ مینگدن آرتیق توغیلیشنی قید اېتگن
چېگره بیلمس شفاکارلر تشکیلاتی افغانستان نینگ بلخ، هرات و هلمند کبی بیر قنچه ولایتلریده‌گی سکّیز کسلخانه آرقلی ساغلیقنی سه‌قلش خدمتلرینی کۉرسه‌ته‌دی.
بو طالبان نظارتینی تیکله‌گنیدن سۉنگ افغانستان آغیر اقتصادی و انسانی بحرانگه یوز توته‌‌یاتگنیگه قره‌مه‌ی، باشقه ترماقلر قطاری ساغلیقنی سقلش تیزیمی هم بحرانگه یوز توتماقده.
جهان ساغلیقنی سقلش تشکیلاتی افغانستاندهگی وضعیتنی قیغولی دېب بهاله‌دی و طبیات خادملری و ساغلیقنی سقلش مرکزلرینی قۉللب-قوّتلش اوچون بودجه و مبلغلرنینگ یېتیشمسلیگی سان – سناق‌سیز آدملرنینگ حیاتیگه تهدید ساله‌یاتگنینی ایتدی.
جهان ساغلیقنی سقلش تشکیلاتی معلوماتلریگه کۉره، جاری ییلده افغانستانده ۷.۵ میلیون باله و ۳.۱میلیون عیال، جمله‌دن، ۱۴ میلیوندن آرتیق کیشی شاشیلینچ طبی یاردمگه محتاج.
