دوحه ییغیلیشی؛ امریکا: افغانستان اوچون وکیل اېتیب تعیینلنیش دن حمایت قیله‌میز
دوحه ییغیلیشی عرفه‌سیده، امریکا قوشمه ایالتلری نینگ تشقی ایشلر وزیرلیگی، بو مملکت افغانستان ایشلری بوییچه مخصوص وکیل اېتیب تعیینلنیشی اوچون بیرلشگن ملتلر تشکیلاتی خوفسیزلیک کینگشی نینگ قطع‌نامه‌سینی قۉللب-قوتلشینی بیلدیرگن.
میتو میلر ۲۴ دلو، سه‌شنبه کونی خبری ییغیلیش ده ایتیشیچه، امریکا بیرلشگن ملتلر تشکیلاتی باش کاتبی دن تېزلیک بیلن اوشبو وکیل نی اېتیب تعیینلشینی سۉره‌گن.
اونگه کوره، امریکا نینگ افغانستان ایشلری بوییچه وکیللری توماس وست و رینا امیری دوحه ییغیلیشی ده اشتراک قیله‌دیلر.
میلر نینگ کوپه‌یتیریشیچه، «اوشبو قطع‌نامه ده تعیینلنگن غایه گه» قول تاپیش و افغانستان ایشلری بوییچه خلق‌ارا همکارلیک اویغون‌لیگی اوچون مخصوص وکیل تعیینلنیشی کېره‌ک.
شو بیلن بیرگه، طالبان بونده‌ی وکیل تعیینلنیشی گه قرشی‌لیک کۉرستیب و کابل ده بیرلشگن ملتلر تشکیلاتی اۉرین باسرلیک هیأت دفتری حضوری بیلن مخصوص وکیل تعیینلنیشی نیاز اېمسلیگینی ایتگنلر.
افغانستان ایشلری بوییچه مملکت‌لر مخصوص وکیللری نینگ ایکّینچی ییغیلیشی کیله‌سی هفته یک‌شنبه و دوشنبه کون‌لری دوحه ده اۉتکزیلیب و اوشبو ییغیلیش ده بیرلشگن ملتلر تشکیلاتی خوفسیزلیک کینگشی نینگ ۲۷۲۱ قطع‌نامه‌سی اساسیده «مستقل افغانستان تېکشیریلیش» گزارشی ده‌گی تکلیف‌لر بحث گه آلینیشی کوتیله‌دی.
بو ییغیلیش ده افغانستان اوچون قطار مملکت‌لر نینگ مخصوص وکیللری، خلق‌ارا تشکیلات‌لر، عیاللر و مدنی جماعه‌چیلیک نهادلر نینگ وکیللری حضور تاپیشی ممکن.
طالبان هم مذکور ییغیلیش ده تکلیف بولگنلرینی ایتگنلر، لېکن اشتراک قیلیش اوچون حاضرگچه بیر قرار گه کیلمه‌گنلر.
شو بیلن بیرگه، بیرلشگن ملتلر تشکیلاتی طالبان وکیللری چقیریلیشی حقیده رسمی روشده حاضرگچه هیچ نرسه دیمه‌گن.
