تخارده یۉل حادثهسیده سکّیز کیشی جان بېردی
۸صبح، تخار: تخار ولایتیده یوز بېرگن یۉل حادثهسیده سکّیز کیشی جان بېریب و ینه تۉرت کیشی یرهلندی.
طالبان نظارتیدهگی باختر اخبارات آژانسی، چهارشنبه کونی، ۱-مېزان، اوشبو حادثه اۉتگن کېچه تخارنینگ کلفگان تومنیدهگی گزیستان حدودیده یوز بېرگنینی خبر قیلدی.
تخاردهگی طالبان خوفسیزلیک قوماندانلیگی مسووللرینینگ اَیتیشیچه، حادثه یوکتشووچی موتر یۉلدن چیقیب کېتیب، اغدریلیشی عاقبتیده صادر بۉلگن.
طالبان، شونینگدېک، حادثهده یرهلنگنلر تخار ولایت شفاخانهسیگه آلیب باریلگنینی اَیتگن.
بو حالت مملکتنینگ تورلی ولایتلریده هیداوچیلرنینگ احتیاطسیزلیگی، یۉللرنینگ یامانلیگی و یۉل حرکتی قاعدهلریگه رعایه قیلینمسلیگی سببلی یۉل حادثهلری کۉپهییب بارهیاتگن بیر پیتده یوز بېرماقده.
اۉتگن کون هم لغمان ولایتیده یوز بېرگن یۉل حادثهسیده بیر کیشی جان بېریب، ینه تۉقّیز کیشی یرهلنگن اېدی.
