اروپا اتفاقی افغانستانده سواد اۉرگنیش قۉللب-قوّتلش اوچون قریب بېش میلیون یورو اجره‌تدی
۸صبح، کابل: اروپا اتفاقی‌نینگ افغانستاندهگی وکالت‌خانه‌سی خلق‌ارا سواد اۉرگنیش کونی مناسبتی بیلن افغانستانگه ۴،۷ میلیون یورو اجره‌تدی.
وکالت‌خانه سه‌شنبه کونی، ۱۷-سنبله، ایکس صحیفه‌سیده یازیشیچه، اوشبو یاردم افغان قیزلری و اۉغیل باله‌لری‌نینگ تعلیم آلیشی همده سوادینی قۉللب-قوّتلش مقصدیده اجره‌تیلگن.
اوشبو اداره بیلدیریشیچه، اروپا اتفاقی‌نینگ یاردمی و بیرلشگن ملتلر تشکیلاتی‌نینگ تعلیم، بیلیم و مدنیت تشکیلاتی (یونسکو) همکارلیگیده اجره‌تیلگن مبلغ افغانستاندهگی ۷ مینگ ۵۰۰ کیشیگه سواد اۉرگنیش و تیریکچیلیک کۉنیکمه‌لرینی تقدیم اېته‌دی.
بو حالتده، بیر نېچه کون اوّل اروپا اتفاقی افغانستانده اېکینچیلیک، تیریکچیلیک منبعلری و بیزنسلرنی قۉللب-قوّتلش اوچون ۱۰ میلیون یورو مقداریده یاردم اجره‌تگنی حقیده هم خبر بېرگن اېدی.
شو بیلن بیرگه، بیرلشگن ملتلر تشکیلاتی‌نینگ انسانپرورلیک یاردم‌لرینی موافقلشتیریش باشقرمه‌سی یقینده افغانستانده قریب ۲۲ میلیون کیشی انسانپرورلیک یاردمیگه محتاج اېکنینی معلوم قیلگن.
