یونیسف: افغانستانده آلتی میلیون‌دن آرتیق نفر ساغلیقنی سقلش خدمتلرینی آلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قووتلش جمغرمه‌سى (یونیسف) معلوم قیلیشیچه، ۲۰۲۶ ییل آگوست آییده افغانستان‌نینگ ۳۴ ولایتیده ۶.۶ میلیون نفرگه اساسی ساغلیقنی سقلش خدمتلری کۉرسه‌تیلگن.
بو تشکیلات دوشنبه کونی، ۲۰ میزان کونی، اوشبو خدمتلر ۲ مینگ ۳۹۰ ثابت ساغلیقنی سقلش مرکزی و ۱۶ کۉچمه ساغلیق مرکزی اورقلی کۉرسه‌تیلگنینی بیلدیرگن.
یونیسف قۉشیمچه قیلیب، شو مدت ایچیده ۱۴۹ مینگ ۴۷۶ کیشی‌گه تازه اېچیملیک سووی تامین اېتیلگن و ۱۳۵ مینگ ۱۶۴ نفر هم دسلبکی ساغلیق خدمتلریدن فایده‌لنیش امکانیتیگه اېگه بۉلگن.
بو تشکیلات‌نینگ بیلدیریشیچه، ۴۳۳ مینگ ۵۶۸ نفرگه آزیق‌لنیش، واکسیناسیون، کساللیکلرنینگ آلدینی آلیش، روحی ساغلیق، حفظ‌الصحه و آغیر سوو کېتیش کسللیگینینگ آلدینی آلیش بۉییچه معلوموت بېریلگن.
یونیسف افغانستانده توییب-آوقتلنمسلیک بحرانى همان آغیرلشه‌یاتگنینی تأکید قیلگن.
بو تشکیلات‌نینگ معلوموتیگه کۉره، مملکتده ۳.۷ میلیون باله توییب-آوقتلنمسلیک اریقلیک کسللیگیگه دچار بۉلگن، اولرنینگ تقریباً بیر میلیون نفری آغیر توییب-آوقت‌لنمسلیکدن اذیت چېکماقده.
یونیسف شونینگدېک ایتیشیچه، آگست آییده توستدن کېلگن سوو تاشقینلری، اوی‌لر، آست-قورمه‌لر، اېکینچیلیک یېرلری، سوو یېتکزیش تیزیملی و مکتبلرگه ضرر یېتکزیب و محلی جماعه حیاتینی تاثیرلنتیرگن.
