هلمند تعلیم مرکزلریده کمسیتیش؛ طلبه‌لر: طالبان اعضالری اوچون مۉلجللنگن مرکزلرده یخشیراق شرایطلر موجود
۸صبح، هلمند: محلی منبعلر‌نینگ اَیتیشیچه، هلمند ولایتیده طالبان اعضالری اوچون مۉلجللنگن تعلیم مرکزلری عادی اهالی اوچون دولت تعلیم مرکزلریگه قره‌گنده یخشیراق امکانیتلرگه اېگه.
منبعلر دوشنبه کونی، ۲۰-میزان، ۸صبح گزېته‌سیگه بېرگن صحبتیده طالبان اوچون مۉلجللنگن تعلیم مرکزلری یخشیراق اۉقوو ماتریاللری، زمانوی جهازلر، یاتاقخانه و مادّی یاردم بیلن تأمینلنگنینی، بیراق عادی طلبه‌لر بو امکانیتلردن محروم اېکنینی اَیتیشدی.
هلمندده‌گی طلبه‌لر اۉقوو ماتریاللری و تعلیم امکانیتلری یېتیشمسلیگیدن اذیت چېکه‌یاتگنینی، معمالری اېسه کوندن-کونگه آرتیب باره‌یاتگنینی بیلدیریشماقده.
معلوم قیلینیشیچه، آلدین هلمندده‌گی دولت اداره‌لری طلبه‌لریگه «بدل اعاشه» نامی بیلن تۉله‌ب کېلینگن پول مبلغلری هم تۉخته‌تیلگن.
اَیریم طلبه‌لر هلمندده‌گی طالبان مسؤوللری بیلن اۉز معمالرینی بیر نېچه بار اۉرتاقلشگنینی، بیراق حاضرگچه اولر‌نینگ طلبلریگه اعتبار قره‌تیلمه‌گنینی اَیتیشماقده.
منبعلر‌نینگ تأکیدلشیچه، شونگه اۉخشش حالت افغانستان‌نینگ باشقه ولایتلریده هم کوزه‌تیلماقده: طالبان دولت اداره‌لریده اۉز جنگریلری بیلن مملکت‌نینگ عادی وطنداشلری اۉرته‌سیده کمسیتیشگه یۉل قۉیماقده.
