اروپا اتفاقی افغانستان قیزلرینی اۉقیتیشنی قۉللب-قوتلش‌گه اعتبار قره‌تدی
۸صبح، کابل: اروپا اتفاقی افغانستاندهگی نماینده‌لیگی، افغان قیزلری و عیال‌لری نینگ تعلیمینی قۉللب-قوتلشینی تأکیدله‌دی.
اوشبو نماینده‌لیک، ۸ قوس، شنبه کونی، «OrangeTheWorld» کونیگه بغیشلب بېرگن بیاناتیده، برچه اوچون تعلیم انسان‌لرنی حمایه‌سیزلیکدن چیقریش نینگ کلیدی اېکنلیگینی بیلدیردی.
اروپا اتفاقی تعلیمگه اورغو بېریب، هر قنده‌ی زۉرآورلیکدن خالی کېله‌جک قوریش نینگ اهمیتینی تأکیدله‌دی.
اوشبو بیانات، افغان قیزلری نینگ تعلیمی مهم‌لیگینی اېسله‌تیب اۉته‌یاتگن بیر پیتده، طالبان تۉرت ییلدن آرتیق وقتدن بېری قیزلر نینگ تعلیم آلیش حقوقینی اولردن محروم قیلگن.
تۉرت ییلدن اۉتیش وقت مابینیده، قیزلر مکتب نینگ آلتینچی صنفیدن یوقاری درجه‌ده اۉقیشنی دوام اېتتیره آلمه‌یپتی.
شو بیلن بیرگه، بیرلشگن ملتلر تشکیلاتی معلوم قیلیشیچه، آخرگی ایکی ییل ایچیده افغانستاندهگی عیاللرگه قرشی زۉرآورلیک ۴۰ فایزگه آشگن.
